लण्डन: न्यूजील्याण्डविरुद्ध १७ जूनदेखि शुरु हुने दोस्रो क्रिकेट टेस्ट म्याचको निम्ति ईंग्ल्याण्डले आफ्नो अन्तिम एकादशको घोषणा गरेको छ, जसमा ब्याटर जोर्डन कक्स र पेस बलर सोनी बेकरले पदार्पण गर्ने मौका पाएका छन्। काउण्टी च्याम्पियनशीपमा एसेक्सको निम्ति दोहोरो शतक लगाएपछि २३ वर्षीय कक्सलाई ईंग्ल्याण्ड टीममा सामेल गरिएको छ। यसअघि २०२४-मा न्यूजील्याण्डमा अभ्यास सत्रको अवधि औंलीमा चोट लाग्दा उनले पदार्पण गर्ने मौका गुमाएका थिए। यसरी १२ वटा प्रथम श्रेणीको म्याच खेल्ने बेकरलाई पनि टीममा स्थान दिइएको छ। ईंग्ल्याण्डले यसअघि लर्डसमा खेलिएको पहिलो टेस्ट म्याचमा ११५ रनले जीत हासिल गरेको थियो। त्यसपछि पनि आयोजक टीममा ४ वटा फेबदल गरिएको छ। म्याट फिशर ४ सालभन्दा अधिक समयपछि आफ्नो पहिलो टेस्ट खेल्न गइरहेका छन् जबकि स्टार पेस बलर जोफ्रा आर्चर पनि टीममा फर्किएका छन्। नियमित कप्तान बेन स्टोक्स र पेस बलर गस एटकिन्सनलाई मिड-नाइट कर्फ्यूको उल्लंघनको आरोपमा बाहिर गरिएपछि ईंग्ल्याण्डले अन्तिम एकादशमा यति ठूलो फेरबदल गरिएको छ। लर्डस टेस्टमा ७ विकेट हासिल गर्ने ओली रबिन्सन दाहिने घुँड़ाको चोटले गर्दा दोस्रो टेस्टबाट बाहिर भएका छन्। यसबाहेक शोएब बशीरलाई पनि टीमबाट बाहिर गरिएको छ कारण ईंग्ल्याण्डले दोस्रो टेस्टमा विशेषज्ञ स्पिनर नखेलाउने फसेला गरेको छ। स्टोक्सको अनुपस्थितिमा जो रुटले टीमको कप्तानी गर्नेछन्।
न्यूजील्याण्डविरुद्ध दोस्रो टेस्ट म्याचको निम्ति ईंग्ल्याण्डको अन्तिम एकादश यसप्रकार छः
बेन डकेट, एमिलियो गे, जेकब बेथेल, जो रुट (कप्तान), ह्यारी ब्रूक, जेमी स्मिथ (विकेटकीपर), जोर्डन कक्स, जोफ्रा आर्चर, जोश टंग, म्याथ्यू फिशर र सोनी बेकर।