स्थानीय जनताले घेरे तृणमूल जिल्ला अध्यक्षलाई

सिलगढी: पश्चिम बंगाल राज्यभरिमै ‘दिदिर सुरक्षा कवज’ अथवा दिदीको सुरक्षा कवज कार्यक्रम शुरू भएको छ। यस कार्यक्रम अन्तर्गत दिदीको दूतहरूको रुपमा कार्यकर्ताहरु विभिन्न ग्रामीण क्षेत्रहरूमा पुगिरहेका छन। जलपाईगढी जिल्ला तृणमूल कङ्ग्रेसका जिल्ला अध्यक्ष महुआ गोप आज स्थानीय नेताहरूको साथमा दिदीको दूतको रूपमा फुलबारी नम्बर अञ्चलको पोराभार पुगिन्। यस अवधि तिनले साधारण मानिसहरूलाई राज्य सरकारको विभिन्न परियोजनाहरूको लाभबारे जानकारी गराइन्।

अर्कोतिर, जिल्ला अध्यक्षलाई देखेर स्थानीय मानिसहरूले रोष व्यक्त गरे। स्थानीय मानिसहरूको भनाइ अनुसार तिनीहरूले दिदीको परियोजनाहरूको कुनै लाभ पाएका छैन। यसको साथै इलाकाका मानिसहरू पिउने पानी, सड़क लगायत अन्य विविध सुविधाबाट वञ्चित छन्। जिल्लाध्यक्ष महुआ गोपले भनिन्, स्थानीय मानिसहरूसित भेट गरेपछि हालसम्म पनि केही गाउँहरू विभिन्न सरकारी सेवाहरूबाट वञ्चित रहेको थाहा पाए। तथापि, स्थानीय पञ्चायत निरञ्जन सरकारले साधारण मानिसहरूले परियोजनाहरूको पुरा लाभ उठाइरहेको बताए। केही मानिसहरू यी सेवाहरूबाट वञ्चित छन्।