सिलगढी: प्रधानमन्त्री नरेन्द्र मोदी र केन्द्रीय स्वास्थ्य तथा परिवार कल्याण मन्त्री डा. मनसुख मण्डवियाले दार्जीलिङ लोकसभा निर्वाचन क्षेत्रको स्वास्थ्य सेवा विस्तार गर्न २२२.६६ करोड रुपियाँ विनियोजन गरेको बताएका छन्। स्वास्थ्य मन्त्रीका अनुसार मन्त्रालयले विकासका लागि करिब २२२.६६ करोड रुपियाँ अनुमोदन गरेको पनि सांसद राजु बिष्टले जानकारी दिएका छन्। पीएम-एबीएचआईएम योजनाअन्तर्गत दार्जीलिङ जिल्लाको क्रिटिकल केयर अस्पताल ब्लकसहित यस क्षेत्रमा स्वास्थ्य पूर्वाधार रहेको छ।

यसबाहेक, दार्जीलिङ जिल्ला (सिलगढी महाकुमा परिषदसहित)लाई ९० करोड रुपियाँभन्दा बढी, कालेबुङ जिल्लालाई २१ करोड रुपियाँभन्दा बढी र उत्तर दिनाजपुर जिल्लालाई राष्ट्रिय स्वास्थ्य मिशन वित्तीय वर्ष २०२२-२३ अन्तर्गत १११ करोड रुपियाँभन्दा बढी विनियोजन गरिएको छ। पीएम-एबीएचआईएम र वित्त वर्ष २०२१-२२ र २०२२-२३ को लागि १५औं वित्त आयोग स्वास्थ्य अनुदान, यस क्षेत्रको जनस्वास्थ्य प्रणालीलाई सुदृढ गर्ने उद्देश्यले यो रकम विनियोजन गरिएको छ। दार्जीलिङ जिल्लाको क्रिटिकल केयर अस्पताल ब्लकले गम्भीर रोग र संक्रामक रोगका बिरामीहरूको व्यवस्थापनमा सुधार गर्ने यसमा थप भनिएको छ।