साझा गरे अनुभव

​नयाँ दिल्ली: नयाँ दिल्लीस्थित मेजर ध्यानचन्द नेशनल स्टेडियममा आयोजना भइरहेको ‘ग्लोबल पाइनएप्पल फेस्टिभल’ (वैश्विक भुईँकटहर महोत्सव) को विशेष अवसरमा मुख्यमन्त्री डॉ. माणिक साहाले भारतीय प्रधानमन्त्री नरेन्द्र मोदीको लोकप्रिय रेडियो कार्यक्रम ‘मन की बात’ को १३५ औँ शृङ्खला सुनेका छन्।
​महोत्सवमा सहभागी भई प्रधानमन्त्रीको सम्बोधन सुनेपछि मुख्यमन्त्री डा. साहाले सामाजिक सञ्जाल फेसबुकमार्फत आफ्नो अनुभव र तस्बिरहरू साझा गर्दै खुसी व्यक्त गरेका हुन्। उनले उक्त गौरवमय अवसरमा त्रिपुरा र देशका विभिन्न क्षेत्रका विशिष्ट नेतृत्वगणसँगै जोडिन पाएकोमा आभार समेत प्रकट गरेका छन्।
​फेसबुकमा लेख्दै डा. साहाले त्रिपुरा भाजपाका प्रदेश अध्यक्ष अभिषेक देवराय, माननीय राज्यसभा सांसद राजीव भट्टाचार्य, त्रिपुराका कृषि मन्त्री रतनलाल नाथ र माननीय विधायक प्रमोद रियाङ लगायतका व्यक्तित्वहरूसँगै बस्न पाउनु गौरवको विषय भएको उल्लेख गरेका छन्।
​यसका साथै उक्त महोत्सव स्थलमा त्रिपुरा, दिल्ली र देशका विभिन्न कुनाबाट आएका असंख्य दाजुभाइ तथा दिदीबहिनीहरूसँगै बसेर प्रधानमन्त्रीको “मन की बात” सुन्न पाउनु निकै प्रेरणादायी रहेको डा. साहाले आफ्नो फेसबुक पोस्टमा जनाएका छन्।