नयाँ दिल्ली: डोपिंगको कालो छाँयादेखि बाहिर रहने खेल आर्चरीमा पनि यसको खतरा देखिएको छ। नाडाको तर्फबाट गरिएको परीक्षणमा अन्तर्राष्ट्रिय धनुर्धर सुखमणि गजानन बाबरेकरलाई डोप पोजिटिभ पाइएको छ। उनको नमूना (सेम्पल)-मा विश्व डोप रोधी एजेन्सी (वाडा)-को सूची एस ३-अन्तर्गत प्रतिबन्धित बीटा-२ एगोनिष्ट टरब्यूटालाइन पाइएको छ। नाडाले सुखमणिसँग यस प्रतिबन्धित पदार्थबारे जवाफ मागेको छ। महाराष्ट्रका यस धनुर्धरले अस्थायी प्रतिबन्ध स्वीकार गरेका छन्। धनुकाँड़ खेलमा डोपिंगलाई दुर्लभ मानिन्छ। यो देशको धनुकाँड़ खेलमा डोपिंगको तेस्रो मामिला हो। केही साल अघि पञ्जाबका एकजना धनुर्धरलाई डोपिंगको निम्ति प्रतिबन्धित गरिएको थियो। अब सुखमणिले नाडालाई सन्तोषजनक उत्तर दिन नसके सुनुवाईको अवधि उनीमाथि २-देखि ४ सालको प्रतिबन्ध लाग्न सक्छ। २०१७-को वर्ल्ड यूथ च्याम्पियनशीप र २०१८-को एशिया कप स्टेज ३-मा रजत पदक जित्ने रिकर्व धनुर्धर सुखमणि औरंगााद स्थित एनसीओई-मा थिए। नाडाले त्यहीँ उनको प्रतियोगितादेखि बाहिर नमूना लिएको थियो। उनीसँग यस साल १९ फरवरीमा बी नमूना दिने विषयमा सोधिएको थियो। सुखमणिले बी नमूना नदिएर अस्थायी प्रतिबन्ध स्वीकार गरेका छन्। अहिले उनीसँग स्पष्टीकरण मागिएको छ अनि उनले यस महिनाको अन्तसम्म जवाफ दिनु पर्नेछ।