दोहा: भारतका स्टार भाला फ्याँक्ने (ज्याभलिन थ्रो) एथलीट नीरज चोपड़ा अहिले दोहा डायमण्ड लीगको साथ सीजनको शुरुवात गर्न तयार छन्। दोहामा खेल्न अघि उनले गत वर्ष कम्मरको चोट लिएर वर्ल्ड च्याम्पियनशीपमा ओर्लिनु गल्ती भएको स्वीकार गरे। टोक्यो ओलम्पिकमा स्वर्ण र पेरिस ओलम्पिकमा रजत पदक जित्ने नीरज गत वर्ष सेप्टेम्बरमा टोक्यो वर्ल्ड च्याम्पियनशीपमा ८४.०३ मीटरको सर्वश्रेष्ठ प्रयासको साथ आठौं स्थानमा रहेका थिए। च्याम्पियनशीपपछि उनले कम्मरको तल्लो हिस्सामा रहेको चोटबारे बताएका थिए। यस चोटबाट मुक्ति पाउन निक्कै लामो समय लाग्यो। यसैकारण नीरजले ढिलो गरी सीजनको शुरुवात गर्न गइरहेका छन्। नीरजले भने, टोक्यो वर्ल्ड च्याम्पियनशीप अघि नै मलाई चोट लागेको थियो। हामीले धेरै मेहनत गर्यौ अनि मैले टोक्योमा पनि खेले तर मलाई त्यो फसेला सही थियो जस्तो लाग्दैन कारण शरीरमा समस्या रहेको मलाई थाहा थियो। मैले आफ्नो टीम र फिजियोसँग मिलेर हरेक चोटमाथि काम गरे। अहिले म फिट अनुभव गरिरहेको छु। नीरजले दोहामै प्रशिक्षक जान जेलेज्नीको मार्गदर्शनमा करियरमा पहिलोपल्ट ९० मीटरको आँकड़ा पार गरेका थिए। नीरजले त्यो थ्रो तक्निकी रूपले सर्वश्रेष्ठ नरहेको बताए। उनले भने, तक्निकी रूपले त्यो त्यति सटीक थिएन। म अझ २-३ मीटर टाढ़ा थ्रो गर्न सक्ने थिएँ। वर्ल्ड च्याम्पियनशीप र ओलम्पिकमा क्वालीफिकेशन चरणको थ्रो असल थियो तर फाइनलमा अधिक आक्रामक हुने प्रयासमा तक्निक भुल्ने गर्छ। यस साल जनवरीमा जेलेज्नीसँग अलग हुने नीरजले बताएअनुसार, अब उनी आफ्नो हिसाबले खेल्न चाहन्छन्। दोहा डायमण्ड लीगको आयोजन शुक्रवार हुनेछ।