दुबई: रिषभ पन्त बुधवार जारी अन्तर्राष्ट्रिय क्रिकेट परिषद (आईसीसी)-को टेस्ट ब्याटरहरूका ऱ्याङकिंगमा साथी खेलाड़ी विराट कोहलीलाई पछि छोड़ेर छैटौं स्थानमा पुगेका छन्। पन्तले न्यूजील्याण्डविरुद्ध पहिलो टेस्ट म्याचको दोस्रो ईनिंग्समा ९९ रन बनाएका थिए, जसले उनलाई ऱ्याङकिंगमा ३ स्थानको फाइदा भयो। यसको विपरीत स्टार ब्याटर कोहली चाहिँ ७० रन बनाएर पनि एक स्थान तल झरेर आठौं स्थानमा पुगेका छन्। ओपनिंग ब्याटर यशस्वी जयसवाल चौथो स्थानमा भारतका सर्वोच्च ऱ्याङकिंग भएका ब्याटरको रूपमा कायम छन्। भारतीय कप्तान रोहित शर्मा दुई स्थान तल झरेर श्रीलंकाका दिमुथ करुणारत्नेसँग संयुक्त रूपले १५औं स्थानमा रहेका छन्। ईंग्ल्याण्डका जो रुट ब्याटरहरूका ऱ्याङकिंगमा शीर्ष स्थानमा कायम छन्। न्यूजील्याण्डका रचिन रविन्द्र (३६ स्थान अघि बढ़ेर १८औं स्थानमा) र डेवोन कनवे (१३ स्थान अघि बढ़ेर ३६औं स्थानमा)-ले टेस्ट ब्याटरहरूका ऱ्याङकिंगमा ठूलो सुधार गरेका छन्। यी दुईका साथी म्याट हेनरी (२ स्थानको सुधार गरी नवौं स्थानमा)-ले टेस्ट बलरहरूका ऱ्याङकिंगमा शीर्ष १०-मा स्थान बनाएका छन्। भारतीय माटोमा लामो समयपछि न्यूजील्याण्डको टेस्ट म्याच जीतमा महत्त्वपूर्ण भूमिका निर्वाह गर्ने पेस बलर विल ओरुर्के २ स्थानको सुधार गरी बलरहरूका ऱ्याङकिंगमा ३९औं स्थानमा पुगेका छन्। पाकिस्तानका स्पिनर नोमान अलीले ईंग्ल्याण्डविरुद्ध दोस्रो टेस्ट म्याचमा ११ विकेट लिएका थिए। यसको फलस्वरूप उनले १७औं स्थानको साथ फेरि बलरहरूका ऱ्याङकिंगमा आफ्नो स्थान बनाएका छन्। उनका साथी स्पिनर साजिद खानलाई २२ स्थानको फाइदा भएको छ अनि उनी ५०औं स्थानमा पुगेका छन्। भारतीय पेस आक्रमणको अगुवा जसप्रीत बुमराह टेस्ट बलरहरूका ऱ्याङकिंगको शीर्षमा कायम छन्। रविचन्द्रन अश्विन दोस्रो स्थानमा छन्। यसरी रविन्द्र जडेजा सातौं स्थानमा कायम छन्।