सिडनी: अष्ट्रेलियाका देब्रे हातका ब्याटर ट्रेविस हेडको भनाइअनुसार, उनी टेस्ट क्रिकेटमा ओपनिंग ब्याटरको रूपमा खेल्न जारी राख्न चाहन्छन्। उनी आफ्नो खेललाई लिएर निक्कै सहज छन् अनि ओपनरको भूमिका जारी राख्न इच्छुक छन्। शुक्रवार हेडलाई अष्ट्रेलियाका सालको सर्वश्रेष्ठ क्रिकेटरको रूपमा प्रतिष्ठित एलन बोर्डर मेडलले सम्मानित गरियो। सेतो बलको प्रारूपहरूमा हेडले लामो समयदेखि अष्ट्रेलियाई टोलीमा ओपनिंग ब्याटरको भूमिका निर्वाह गर्दै आइरहेका छन्। यसबीच हेडलाई ईंग्ल्याण्डविरुद्ध एशेज सीरीज अघि चाहिँ भारत र श्रीलंकामा खास परिस्थितिहरूमा मात्र टेस्ट ओपनरको भूमिकामा देखिएको थियो। ईंग्ल्याण्डविरुद्ध एशेज सीरीजको अवधि पर्थ टेस्ट म्याचको दोस्रो ईनिंग्समा उस्मान ख्वाजालाई चोट लाग्दा ट्रेविस हेडले ओपनिंग गर्ने मौका पाए। उनले त्यस मौकाको भरपूर फाइदा उठाए। हेडले ८३ बलमा १२३ रन बनाएर अष्ट्रेलियालाई २ दिनमै जीत दिलाउनमा महत्त्वपूर्ण भूमिका निर्वाह गरे। त्यसपछि उनले एडिलेड र सिडनीमा पनि शतक बनाए अनि एशेज सीरीजको समापन ६२९ रनको साथ गरे। उनको त्यस प्रदर्शनको असर अहिले सीरीजदेखि धेरै अघिसम्म देखिएको छ। हेडको अष्ट्रेलियाई टेस्ट टोलीमा ओपनरको रूपमा आफ्नो स्थान पक्का लागिरहेको छ अनि उनी स्वयं पनि यस भूमिकाको निम्ति तयार छन्। अष्ट्रेलियाको आउँदो अन्तर्राष्ट्रिय कार्यक्रम निक्कै व्यस्त छ, जसमा टोलीले २० वटा टेस्ट म्याच खेल्नेछ। यसबाहेक वर्ल्ड टेस्ट च्याम्पियनशीप (डब्ल्यूटीसी) फाइनलमा पुग्न सके २१ वटा टेस्ट म्याच खेल्नु पर्नेछ। शीर्ष क्रममा आफ्नो भूमिकाबारे कुरा गर्दै हेडले उनको प्रथम श्रेणीको करियर अष्ट्रेलियाई क्रिकेटमा ओपनिंग ब्याटरको पारम्परिक छवि अनुरूप नरहेको स्वीकार गरेका छन्। उनले भने, मलाई सटीक आँकड़ा त थाहा छैन तर मैले १७०-१८० वटा प्रथम श्रेणीको म्याच खेलेको छु। त्यसमा मैले धेरभन्दा धेर १० वटा म्याचमा ओनिंग गरेको छु। यसले म ओपनिंग ब्याटर होइन भन्ने थाहा लाग्छ। यसैकारण म अष्ट्रेलियाई क्रिकेटको जस्तो पारम्परिक ओपनर होइन तर मेरो खेल असल क्रिकेट खेल्नु हो। मलाई यही सही लाग्छ। मेरो विचारमा म ओपनिंग ब्याटरको रूपमा आफ्नो भूमिकासँग न्याय गर्न सक्षम छु। नयाँ बलको सामना गर्दा कतिको मेहनत गर्नु पर्छ भन्ने मलाई थाहा छ। मबाट गल्ती पनि हुनेछ तर त्यो त खेलको हिस्सा हो। म आफ्नो खेललाई लिएर सहज छु। ओपनिंग ब्याटरको रूपमा हेडको निम्ति २०२५-२६ अन्तर्राष्ट्रिय सीजन यागदार रह्यो। उनले तीनैवटा प्रारूपमा मिलाएर ३० वटा म्याच खेलेर १४३७ रन बनाए। क्रिकेट अष्ट्रेलियाको पुरस्कार समारोहमा निरन्तर असल प्रदर्शनको निम्ति हेडलाई लगातार दोस्रो साल प्रतिष्ठित एलन बोर्डर मेडल हासिल भयो।