जलपाईगुडी: टिस्टा नदीको पानीको बहाव घटेपछि जनताले राहत महसुस गरेका छन्। रेमालको प्रभावका कारण जलपाईगुडी र सिक्किममा परेको भारी वर्षाका कारण मंगलबार रातिदेखि टिस्टा नदीको पानीको सतह निकै बढेको थियो। टिस्टा ब्यारेजबाट राति करिब २ हजार क्युमेक पानी छोडिएको छ। जसका कारण बुधबार टिस्टा नदीमा पानीको बहाव बढेको थियो। प्रशासनले माइकिङ मार्फत टिस्टा नदी किनारमा बसोबास गर्ने बासिन्दालाई सचेत गराएको थियो। तर हिजो रातिदेखि टिस्टाको पानी घट्न थालेको छ।

आज बिहान पानीको बहावमा उल्लेख्य कमी आएको स्थानीयवासीले बताएका छन्।