राजगञ्ज: साहुडांगी र अम्बाडी बीचको टिष्टा नहरको पुल बन्द भएको छ। पुरानो पुल भत्काएर नयाँ पुल बनाइनेछ। जसको निर्माण हुन करिब २ वर्ष लाग्ने छ। जसका कारण स्थानीय बासिन्दा समस्यामा परेका छन्। साहुडाँगी –अम्बादी राज्य राजमार्ग बीचको टिष्टा नहरको पुलको अवस्था नाजुक रहेको बताइएको छ। सार्वजनिक निर्माण विभागको पहलमा पुलको काम पुनः सुरु भएको हो। करिब १८ करोडको लागतमा यो पुल बन्न लागेको हो। प्रशासनले चैत १ गतेदेखि सवारी आवागमन बन्द गरेको छ। सार्वजनिक निर्माण विभागले सूचना बोर्ड पनि राखेको छ। पुलको काम सम्पन्न गर्न करिब दुई वर्ष लाग्ने छ। यस्तो अवस्थामा स्थानीयवासीले ट्राफिक समस्या झेल्नु परेको छ। यस सम्बन्धमा पुल निर्माणका लागि १ तारिकदेखि सवारी आवागमन बन्द गरिएको स्थानीयले बताएका छन्। पुल निर्माण गर्न करिब दुई वर्ष लाग्ने भएकाले यसका लागि सो क्षेत्रमा माइकिङ समेत गरिएको छ। यसको परिणाम जनताले भोग्नु परेको छ। नहर मोरको दुई किलोमिटर भित्रमा एक उच्च माध्यमिक विद्यालय, प्राथमिक विद्यालय र साहुडाँगी बजार छ। पुल बन्द हुँदा विद्यार्थी तथा विभिन्न क्षेत्रका मानिसलाई विद्यालय पुग्न कैयौँ किलोमिटर पैदल हिँड्नुपरेको छ। यो पुल यस क्षेत्रका लागि मात्र होइन, बेलाकोबा-अम्बाडीका विभिन्न इलाकाबाट सिलगढी जानका लागि पनि मानिसहरू यो सडक प्रयोग गर्छन्। अहिले नौभापारा हुँदै यात्रा गर्नुपर्ने बाध्यता छ। पुलको छेउमा वैकल्पिक पुल बनाएको भए फाइदा हुन्थ्यो। पुलको काम छिट्टै भएमा सर्वसाधारणले फाइदा पुग्ने स्थानीयको भनाइ छ।