​नयाँ दिल्ली: ​जेआईएस ग्रुपका प्रबन्ध निर्देशक (एमडी) तरनजीत सिंह सम्मानित भएका छन्। शिक्षाको क्षेत्रमा नवप्रवर्तन, कुशल नेतृत्व र अकादमिक उत्कृष्टताका लागि उनलाई “एक्सीलेंस इन ट्रांसफॉर्मेटिव एजुकेशन लीडरशिप” अवार्ड प्रदान गरिएको हो ।​वर्ल्ड पञ्जाबी अर्गनाइजेसनद्वारा आयोजित “वैशाखी अवार्ड्स २०२६” को एक भव्य समारोहबीच सिंहलाई सो अवार्ड हस्तान्तरण गरिएको हो। उनलाई तरनजीत सिंह सन्धुले उक्त प्रतिष्ठित पुरस्कार प्रदान गरेका हुन्।​समारोहमा असमका गभर्नर गुलाब चन्द कटारिया, भाजपा नेता मजिन्दर सिंह सिरसा र सांसद विक्रमजीत सिंह साहनी लगायतका विशिष्ट व्यक्तिहरूको उपस्थिति रहेको थियो। उक्त अवसरमा शिक्षा, समाजसेवा र नेतृत्वका क्षेत्रमा उल्लेखनीय योगदान पुर्‍याउने विभिन्न क्षेत्रका प्रतिष्ठित व्यक्तित्वहरूलाई पनि सम्मानित गरिएको थियो।​तरनजीत सिंहले पाएको यो सम्मानलाई शिक्षा जगत्मा एउटा ठूलो र महत्त्वपूर्ण उपलब्धिको रूपमा हेरिएको छ।