मियामी: जूड बेलिंघम फिफा वर्ल्ड कप २०२६-मा ईंग्ल्याण्डको सबैभन्दा ठूलो म्याच विजेता साबित भइरहेका छन्। शनिवार अबेर राति खेलिएको तेस्रो क्वार्टर फाइनलमा उनले नर्वेविरुद्ध अतिरिक्त समयको खेलमा गोल गरी आफ्नो टीमलाई २-१-ले जीत दिलाए। यसरी ईंग्ल्याण्ड २०१८ पछि पहिपोल्ट वर्ल्ड कपको सेमिफाइनलमा पुग्न सफल भयो। यस असाधारण प्रदर्शनको निम्ति बेलिंघमलाई प्लेयर अफ द म्याच चयन गरियो। म्याचमा शुरुवाती बढ़त हासिल गरे पनि त्यसलाई कायम राख्न नसक्दा नर्वेले टुर्नामेण्टबाट बिदा लिनु पऱ्यो। मियामी स्टेडियममा ४७ प्रतिशत पोजेशनको साथ खेल्ने नर्वेले ३६औं मिनटमा बढ़त हासिल गऱ्यो। एण्ड्रियास शेल्डेरुपले असाधारण दक्षताको साथ नर्वेलाई गोल दिलाए। ईंग्ल्याण्डले पनि म्याचमा बराबरी हासिल गर्न अधिक समय लगाएन। मध्यान्तरको ठीक अघि इञ्ज्युरी टाइमको दोस्रो मिनटमा मीडफिल्डर बेलिंघमले गोल गरी स्कोर १-१-को बराबरीमा पुऱ्याए। दोस्रो हाफको खेलमा दुवै टीमले लगातार प्रयास गरे पनि गोल गर्न सकेन। यसरी दुवै हाफको समाप्तिपछि पनि स्कोर १-१-को बराबरीमा रहँदा अतिरिक्त समयको खेल भयो। अतिरिक्त समयको खेलमा ईंग्ल्याण्डको निम्ति बेलिंघम फेरि एकपल्ट संकटमोचक बने। उनले ९३औं मिनटमा व्यक्तिगत दोस्रो गोलको साथ ईंग्ल्याण्डलाई निर्णायक बढ़त दिलाए। त्यसपछि नर्वेले लगातार प्रयास गरे पनि बराबरी हासिल गर्न सकेन। अब ईंग्ल्याण्डले सेमिफाइनल म्याचमा गत विजेता अर्जेण्टिनाको सामना गर्नेछ। ईंग्ल्याण्डले वर्ल्ड कपको इतिहासमा चौथोपल्ट सेमिफाइनलमा स्थान बनाएको छ। पहिलोपल्ट १९६६-मा पोर्तुगललाई २-१-ले पराजित गरी फाइनलमा पुगेर टीमले पहिलोपल्ट वर्ल्ड कप जितेको थियो। यसरी १९९०-मा पश्चिम जर्मनीविरुद्ध पेनल्टी शूटआउटमा हारेर ईंग्ल्याण्ड चौथो स्थानमा रहेको थियो। यसबाहेक २०१८-मा पनि क्रोएशियाविरुद्ध अतिरिक्त समयमा २-१-ले पराजित भएर चौथो स्थानमा रहेको थियो। यसरी जूड बेलिंघमको वर्ल्ड कपमा गोलको संख्या बढ़ेर ७ पुगेको छ।यसरी उनी २४ सालभन्दा कम्ती उमेरमा वर्ल्ड कपमा सर्वाधिक गोल गर्ने खेलाड़ीहरूका सूचीमा पेलेसँग संयुक्त रूपले दोस्रो स्थानमा पुगेका छन्। यस सूचीमा फ्रान्सीसी फरवर्ड किलियन एम्बाप्पे १२ गोलको साथ शीर्ष स्थानमा छन्। नर्वेले पूरा टुर्नामेण्टमा असाधारण प्रदर्शन गर्दै पहिलोपल्ट वर्ल्ड कपको क्वार्टर फाइनलमा स्थान बनाएको थियो। टीमका स्टार फरवर्ड एर्लिंग हालाण्डले गोल्डन बूटको रेसमा ७ गोल गरे पनि क्वार्टर फाइनलमा ईंग्ल्याण्डको मजबूत रक्षापंक्तिलाई परास्त गर्न असफल भए। क्वार्टर फाइनलमा हारको सम्मुखीन भए पनि नर्वेले पूरा टुर्नामेण्टमा अण्डरडग टीमको रूपमा आफ्नो छाप छोड़्यो। यसबीच ईंग्ल्याण्डका प्रशिक्षक थोमस टुचेल चाहिँ जीतपछि पनि टीमको प्रदर्शनसँग खुशी देखिएनन्। उनले भने, आज हामीले म्याचलाई मुश्किल बनायौं। नतीजा चाहेको जस्तै रह्यो कारण हामी अन्तिम चारमा पुग्यौं तर म टीमको प्रदर्शनसँग खुशी छुइनँ। आज भाग्यले साथ दियो। हामीले यसभन्दा राम्रो खेल्नु पर्नेछ अनि हामी राम्रो खेल्नेछौं पनि।