बोस्टन: चारपल्टको वर्ल्ड च्याम्पियन जर्मनीको फिफा वर्ल्ड कप २०२६-मा अभियान राउण्ड अफ ३२-मै समाप्त भयो। चरम रोमाञ्च र उत्तेजनाले भरिएको म्याचमा जर्मनीले प्याराग्वेविरुद्ध पेनल्टी शूटआउटमा ४-३-ले हारको सामना गर्नु पऱ्यो। यसअघि निर्धारित ९० मिनट अनि अतिरिक्त ३० मिनटको खेलमा स्कोर १-१-को बराबरीमा रहेको थियो। जर्मनीको टीम ४ पल्ट वर्ल्ड च्याम्पियन रहिसकेको छ। टीमले १९५४, १९७४, १९९० र २०१४-मा खिताब जितेको थियो। गुस्तावो अल्फारोको टीमले पूरा म्याचमा असाधारण रक्षात्मक प्रदर्शन गर्दै जर्मनीका आक्रामक खेलाड़ीहरूलाई खुलेर खेल्ने मौका दिएन। म्याचमा ७५ प्रतिशत पोजेशनको साथ गोलीमाथि अधिक नियन्त्रण राखे पनि लेरोय साने, फ्लोरियन विर्त्ज र काई हावेर्त्जलाई प्याराग्वेको मजबूत डिफेन्स र गोलकीपर अरलेण्डो गिल समक्ष बेअसर देखियो। बोस्टन स्टेडियममा खेलिएको म्याचको पहिलो हाफमा प्राप्त भएको सीमित मौकाहरूमा एउटालाई काममा लगाएर प्याराग्वेले बढ़त हासिल गऱ्यो। जूलियो एनसिसोले ४२औं मिनटमा असाधारण हेडरद्वारा गोल गरी प्याराग्वेलाई १-०-ले अघि पारे। उनले माटियास गलार्साको क्रसमा गोल गरे। मध्यान्तरसम्म पछि रहने जर्मनीले दोस्रो हाफमा शुरुदेखि नै आक्रमक मिजास देखाउँदै अन्तमा ५४औं मिनटमा बराबरी हासिल गऱ्यो। फ्लोरियन विर्त्जले देब्रे फ्लेंकबाट दिएको सटीक क्रसलाई हेडरद्वारा गोलमा परिणत गरी काई हावेर्त्जले जर्मनीलाई म्याचमा कायम राखे। त्यसपछि जर्मनीले निर्णायक गोलको खोजमा लगातार आक्रमण गऱ्यो जबकि प्याराग्वेले बिस्तारै आफ्नो पूरा टीमलाई रक्षात्मक मोर्चामा ल्यायो अनि प्रतिआक्रमणको प्रतीक्षा गऱ्यो। प्याराग्वेले दोस्रो हाफमा गोलको अधिक मौका बनाउन सकेन। जर्मनीका प्रशिक्षक जूलियन नागेल्समानले पेनल्टीबाट बाँच्न आफ्ना सबै आक्रामक खेला़डीहरूलाई मैदानमा उतारे। अतिरिक्त समयमा जोनाथन ताहले गोल पनि गरेका थिए तर वाल्डेमार एण्टोनले अरलेण्डो गिललाई फाउल गरेको हुनाले त्यस गोललाई रद्द गरियो। यसरी म्याच अतिरिक्त समयपछि पनि १-१-को बराबरीमा रहँदा फसेला पेनल्टी शूटआउटद्वारा गरियो। जर्मनीले टस जितेर पहिला पेनल्टी लिने फसेला गऱ्यो तर काई हावेर्त्जले पहिलो प्रयासलाई नै बिगारे। शूटआउटमा चौथो प्रयाससम्म दुईवटा टीम ३-३-को बराबरीमा रहेको थियो। पाँचौं तथा अन्तिम प्रयासमा प्याराग्वेका जोसे कानालेले गोलीलाई नेटमा हाले भने जर्मनीका जोनाथन ताहले आफ्नो प्रयासलाई मिस गर्दा प्याराग्वेले ठूलो उलटफेर गर्दै प्री-क्वार्टर फाइनलमा प्रवेश गऱ्यो। प्याराग्वेका गोलकीपर अरलेण्डो गिललाई प्लेयर अव् द म्याच चयन गरियो। प्याराग्वेले अब अन्तिम १६-मा फ्रान्स र स्वीडेनबीच खेलिने म्याचको विजेतासँग खेल्नेछ।