सिनसिनाटी: अमेरिकाकी स्टार खेलाड़ी कोको गौफले आफ्नै देशकी जेसिका पेगुलालाई सीधा सेटमा पराजित गरी सिनसिनाटी ओपन टेनिस टुर्नामेण्टमा दोस्रोपल्ट महिला एकलको खिताब जितिन्। यसरी पुरुष एकलमा फ्रान्सका आर्थर फिल्सले खिताब जिते। उनले फाइनलमा अमेरिकाका फ्रान्सिस टियाफोलाई पराजित गरी आफ्नो करियरको पहिलो एटीपी मास्टर्स १००० खिताब जिते। महिला एकलको फाइनलमा गौफले असाधारण प्रदर्शन गर्दै पेगुलालाई ६-२, ६-४-ले पराजित गरिन्। म्याचमा गौफले आक्रामक शुरुवात गर्दै चाँडै ५-०-को मजबूत बढ़त हासिल गरेपछि ६-२-ले पहिलो सेट जितिन्। दोस्रो सेटमा पेगुलाले पुनरागमनको प्रयास गरिन् अनि स्कोर ४-५-सम्म पुऱ्याइन्। त्यसपछि गौफले असाधारण संयमको साथ महत्त्वपूर्ण अंकहरू हासिल गरी दोस्रो सेटसहित म्याच जितिन्। गौफले म्याचको अवधि हासिल भएको ६-मा ५ ब्रेक पोइण्टलाई काममा लगाइन्। गौफले यसअघि २०२३-मा क्यारोलिना मुचोवालाई पराजित गरी पहिलोपल्ट सिनसिनाटी ओपनको खिताब जितेकी थिइन् ।
पुरुष एकलको फाइनलमा फ्रान्सका आर्थर फिल्सले अमेरिकाका फ्रान्सिस टियाफोलाई ६-३, १-६, ६-०-ले पराजित गरे। बाईस वर्षीय फिल्सले पहिलो सेट जिते पनि अमेरिकी खेलाड़ीले दोस्रो सेट सजिलै जितेर म्याचलाई निर्णायक सेटसम्म पुऱ्याए। तेस्रो सेटमा फिल्सलाई फेरि विध्वंशी लयमा देखियो। उनले टियाफोलाई कुनै मौका दिएनन् अनि ६-०-ले तेस्रो सेटसहित म्याच जिते। फिल्स र टियाफोबीच खेलिएको म्याच ऐतिहासिक पनि थियो कारण एटीपी मास्टर्स १०००-को इतिहासमा पहिलोपल्ट फाइलमा दुईजना अश्वेत खेलाड़ीबीच भिड़न्त भएको थियो। फिल्स मास्टर्स १००० खिताब जित्ने तेस्रो अश्वेत खेलाड़ी बनेका छन्। यसअघि अमेरिकाका बेन शेल्टन र फ्रान्सका जो-विल्फ्रेड सोंगाले यस उपलब्धिलाई हासिल गरेका थिए।