ह्यूस्टन: दिग्गज फरवर्ड क्रिस्टियानो रोनाल्डो र उनको टीम पोर्तुगलको फिफा वर्ल्ड कप २०२६-मा शुरुवात निराशाजनक रह्यो। आफ्नो छैटौं वर्ल्ड कप खेल्न ओर्लिने रोनाल्डोले म्याचमा गोल हासिल गर्न सकेनन् अनि उनको टीम पोर्तुगललाई डेमोक्रेटिक रिपब्लिक अफ कंगो (डीआर कंगो)-ले १-१-को ड्र-मा रोक्यो। एक दिन अघि मात्र रोनाल्डो झैं आफ्नो छैटौं वर्ल्ड कप खेल्दै अर्जेण्टिनाई दिग्गज लियोनल मेस्सीले यादगार ह्याट्रिकको साथ मैदान थर्काएका थिए। बुधवार राति प्रशंसकहरूलाई रोनाल्डोबाट पनि त्यस्तै प्रदर्शनको आशा रहेको थियो तर पोर्तुगीच दिग्गजले आशानुरुप प्रदर्शन गर्न सकेनन् अनि उनको टीम शुरुवाती बढ़त हासिल गरेर पनि ड्र-मा रोकियो। ह्युस्टन स्टेडियममा खेलिएको ग्रुप के-को म्याचमा ७५ प्रतिशत पोजेशनको साथ खेल्दै पोर्तुगलको शुरुवात असल रह्यो। टीमलाई छैटौं मिनटमै सफलता हासिल भयो। जोआओ नेविसले दर्शनीय हेडरद्वारा गोल गरी पोर्तुगललाई बढ़त दिलाए। म्याचमा पछाड़िएपछि ५२ वर्षपछि वर्ल्ड कपमा पुनरागमन गर्ने डीआर कंगोले चाँड़ै फर्म हासिल गरी प्रतिआक्रमण शुरु गऱ्यो। साल १९७४-मा जायरको नामले खेल्दै डीआर कंगोले वर्ल्ड कपमा तीनैवटा म्याच हारेको थियो तर यसपाली टीमले लड़ाकू प्रदर्शन गरेर सबैको मन जित्यो। मौकाको खोजमा रहने डीआर कंगोले अन्तमा गएर मध्यान्तरको ठीक अघि बराबरी हासिल गऱ्यो। योआने विस्साले इञ्ज्युरी टाइमको पाँचौं मिनटमा गोल गरी स्कोर १-१-को बराबरीमा पुऱ्याए। दोस्रो हाफको खेलमा दुवै टीमले बढ़त हासिल गर्ने लक्ष्य लिएर लगातार आक्रमण गऱ्यो तर कुनै पनि टीमले निर्णायक गोल हासिल गर्न सकेन। यस अवधि पोर्तुगलको निम्ति रोनाल्डो र ब्रूनो फर्नाण्डेजले नजिकको मौकाहरू गुमाए। यसरी डीआर कंगोले पनि केही असल मौकाहरूलाई काममा लगाउन सकेन। यसरी पूरा फूटबल जगतको नजर रोनाल्डोमाथि रहे पनि यस दिग्गज फरवर्डले गोल गर्न सकेनन् अनि उनको टीम अंक बाँड़न वाध्य भयो। म्याच ड्र रहँदा दुवै टीमलाई १-१ अंक हासिल भयो।