​कोलकाता: कोलकाताको हिन्दू महासभाद्वारा आयोजित दुर्गापूजा पण्डालमा पश्चिम बङ्गालका मुख्यमन्त्री शुभेन्दु अधिकारीको जीवनी र राजनीतिक यात्रालाई विशेष रूपमा प्रस्तुत गरिने भएको छ। आयोजकहरूले दिएको जानकारी अनुसार ‘नन्दीग्रामदेखि नवान्न:
बुबैको विजययात्रा’ नाम दिइएको उक्त पूजा पण्डालमा अधिकारीको बाल्यकाल, राजनीतिमा प्रवेश, विभिन्न राजनीतिक आन्दोलनका सङ्घर्षहरू र मुख्यमन्त्री बन्नेसम्मका महत्त्वपूर्ण चरणहरूलाई मोडल, फ्लेक्स प्यानल, तस्बिर, भित्तेचित्र तथा वृत्तचित्रका माध्यमबाट देखाइनेछ। हिन्दू महासभाका प्रदेश अध्यक्ष चन्द्रचूड गोस्वामीले रूबी क्रसिङमा निर्माण भइरहेको यस पण्डालमा अधिकारीको एउटा लघु चित्रका साथै उनको राजनीतिक जीवन र उपलब्धिमा आधारित वृत्तचित्रसमेत प्रदर्शन गरिने बताएका छन्। परम्परागत बङ्गाली ‘पटचित्र’ शैली र कलात्मक प्रस्तुतिहरू समावेश गरी तयार पारिँदै गरिएको यो दृश्य कथा हेर्न दुर्गापूजाको अवसरमा लाखौँ भक्तजन तथा अवलोकनकर्ताहरू पुग्ने आयोजकहरूको विश्वास छ।