४ अप्रेलः दुईपल्टकी ग्राण्ड स्ल्याम सेमिफाइनलिस्ट एलिना स्वितोलिनाको निम्ति आमा बनेपछि कोर्टमा पुनरागमन सुखद रहेन अनि उनले चार्ल्टन ओपन टेनिस टुर्नामेण्टको पहिलो राउण्डमा तीन सेटसम्म चलेको म्याचमा हारको सामना गर्नु पऱ्यो। विश्वकी पूर्व तीन नम्बरकी खेलाड़ी अनि अहिले १०८१औं स्थानमा रहने स्वितोलिना २ घण्टा ४६ मिनटसम्म चलेको म्याचमा यूलिया पुतिनत्सेवा विरुद्ध ६-७ (३), ६-२, ६-४-ले पराजित भइन्। स्वितोलिनाले भनिन्, शारीरिक रूपमा मेरो निम्ति यो म्याच सजिलो थिएन। मैले आफ्नो सर्वश्रेष्ठ प्रदर्शन गर्न सकिन तर म त्यसको एकदमै नजिक रहेकी छु।
स्वितोलिना र उनका पति टेनिस खेलाड़ी गेल मोनफिल्स गत वर्ष अक्टोबरमा माता-पिता बनेका थिए। दिनको अन्य म्याचहरूमा २०१७ की यूएस ओपन च्याम्पियन सलोनी स्टीफेन्सले क्वालीफायर लुईसा चिरिकोलाई ३-६, ६-१, ६-२-ले, १७ वर्षीय लिण्डा फ्रूहविर्टोवाले जिल टीचम्यानलाई ६-२, ३-६, ६-२-ले, अन्ना कालिंस्कायाले एनाहेलिना कलिनिनालाई ७-६ (६), ६-४-ले अनि क्वालीफायर क्याथरीन सेबोवले लरेन डेविसलाई ४-६, ६-१, ६-२-ले पराजित गरिन्।