गान्ताेक: भारत सरकारका मत्स्य पालन, पशुपालन तथा डेयरी मन्त्री श्री राजीव रञ्जन सिंहले आज बिहान रिज पार्क अर्किडारियमको भ्रमण गर्नुभएको छ।
​उहाँसँगै सिक्किम सरकारका मत्स्य पालन, पशुपालन तथा पशुचिकित्सा सेवा विभागका मन्त्री श्री पुरन कुमार गुरुङ; भारत सरकारका मत्स्य पालन विभागका सचिव डा. अभिलाक्ष लिखी; भारत सरकारका पशुपालन तथा डेयरी विभागका सचिव श्री नरेश पाल गंगवार; भारत सरकारका गाईवस्तु तथा डेयरी विकासका अतिरिक्त सचिव सुश्री वर्षा जोशी; सिक्किम सरकारका मत्स्य पालन विभागकी सचिव सुश्री रोशनी राई; तथा भारत सरकारका मत्स्य पालन विभाग, पशुपालन तथा डेयरी विभागका अन्य गण्यमान्य व्यक्तिहरू र सिक्किम सरकारका मत्स्य पालन विभागका वरिष्ठ अधिकारीहरूको उपस्थिति रहेको थियो।
​स्वर्णिम जयन्ती मैत्री मञ्जरी कम्प्लेक्सस्थित अर्किडारियम सिक्किमको पुष्पसम्बन्धी विविधता र वातावरणीय उत्तरदायित्वको एक प्रमाणको रूपमा रहेको छ। रैथाने अर्किड प्रजातिहरूको संरक्षण गरेर, यस सुविधाले बासस्थान संरक्षण र उत्तरदायी पर्यटन अभ्यासहरूप्रतिको राज्यको समर्पणलाई उजागर गरेको छ।

भ्रमणको क्रममा, केन्द्रीय मन्त्रीलाई अर्किडारियमको मार्गदर्शित भ्रमण गराइएको थियो, जहाँ उहाँलाई यसका विशिष्ट सुविधाहरू र अर्किडहरूको विविध सङ्ग्रहबारे जानकारी गराइएको थियो। भ्रमणको क्रममा अर्किडहरूको विविध प्रयोगहरू र तिनीहरूको सुरक्षित ढुवानीका पारम्परिक विधिहरूलाई पनि प्रकाश पारिएको थियो। भ्रमण समापन गर्नुअघि केन्द्रीय मन्त्रीले आगन्तुक पुस्तिकामा आफ्ना विचार तथा भावनाहरू लेख्नुभएको थियो।