मालदाः ग्राम पञ्चायतका तृणमूल उम्मेदवारका भाइलाई कुटपिट गरेको आरोप लागेको छ। यो सनसनीपूर्ण घटना मालदा जिल्लाको वैष्णव नगर थाना अन्तर्गत शाहबञ्चक ग्राम पञ्चायतको नयाँ श्री कोस्ती क्षेत्रमा शनिबार राति भएको हो। पीडित ग्राम पञ्चायतका तृणमूल कार्यकर्ताका भाइ ३२ वर्षीय अमिर उद्दिन मियाको मालदा मेडिकलमा उपचार भइरहेको छ। आरोपितमा कांग्रेस उम्मेदवार तैमूर शेख, मतीन शेख, इमादुल शेख र उनीहरूका सहयोगीहरू छन्। स्थानीय र पुलिस स्रोतका अनुसार तृणमूल उम्मेदवार हबीब शेखका भाइलाई कांग्रेस उम्मेदवार तैमुर शेख र उनका सहयोगीहरूले हिजो राति उनको घरमा घुसेर कांग्रेसमा सामेल हुन बाध्य पारेका थिए। अमिर उद्दिनलाई नमानेको भन्दै नराम्ररी कुटपिट गरिएको थियो। अभियुक्तले हतियार प्रहार गरेको अमिर उद्दिनले बताए। अमिरु उद्दिनलाई राति उद्धार गरी मालदा मेडिकल कलेज अस्पतालमा भर्ना गरिएको थियो। कांग्रेस उम्मेदवार तैमूर शेख र उनको पार्टीका सदस्यहरू विरुद्ध वैष्णव नगर पुलिस स्टेशनमा लिखित उजुरी दर्ता गरिएको छ। पुलिसले सम्पूर्ण घटनाको अनुसन्धान सुरु गरेको छ।