जिनेवा: रुस र बेलारुसका खेलाड़ीहरूले पेरिस ओलम्पिकको उद्घाटन समारोहमा पारम्पिक परेडमा हिस्सा लिने छैनन्। अन्तर्राष्ट्रिय ओलम्पिक समिति (आईओसी)-ले यस्तो जानकारी दिएको छ। ओलम्पिकको उद्घाटन समारोह २६ जुलाईमा हुनेछ, जसमा हजारौं खेलाड़ी सीन नदीबाट एफील टावर तर्फ नौकामा आउनेछन् जबकि साधारणत परेज स्टेडियममा हुन्छ। आईओसी-ले बताएअनुसार, रुस र बेलारुसका खेलाड़ीहरूले नदीको किनारबाट समारोह हेर्न चाहिँ सक्नेछन्। उनीहरूलाई तटस्थ खेलाड़ीहरूका रूपमा ओलम्पिकमा हिस्सा लिने अनुमति चाहिँ दिइएको छ। यसअघि अन्तर्राष्ट्रिय प्यारालम्पिक समितिले २८ अगस्तमा हुने पेरिस प्यारालम्पिकको उद्घाटन समारोहमा रुस र बेलारुसका खेलाड़ीहरूमाथि प्रतिबन्धको घोषणा गरेका थिए। युक्रेनमा जारी युद्धले गर्दा यी दुई देशलाई ओलम्पिकको टीम स्पर्धामा भाग लिन दिइने छैन। यसरी व्यक्तिगत वर्गमा खेलाड़ीहरूले तटस्थ रूपमा हिस्सा लिन सक्नेछन् तर उनीहरूले युक्रेनमा जारी युद्धको समर्थन गरेको हुनु हुँदैन या ती खेलाड़ीहरू सेना या सुरक्षा बलसँग सम्बन्धित हुनु हुनेछैन। रुसी पासपोर्ट धारक ३६ जना अनि बेलारुसका २२ जना खेलाड़ीले पेरिस ओलम्पिकको निम्ति क्वालीफाई गरेका छन्।