नयाँ दिल्ली: पेरिस ओलम्पिकमा भारतीय पहलवान विनेश फोगाटलाई फाइनल अघि अयोग्य घोषित गरिएको विषय अहिले पनि चर्चामा रहेको छ। आफ्नो ओजन वर्ग (५० किग्रा)-मा १०० ग्राम ओजन अधिक हुँदा विनेशलाई डिस्क्वालीफाई गरिएको थियो। भारतीय ओलम्पिक संघ (आईओए)-की अध्यक्ष पीटी उषाले यस मामिलामा स्पष्टीकरण दिएकी छन्। उनले बताएअनुसार, ओजनलाई नियन्त्रित गर्ने जिम्मेवारी खेलाड़ी र उनका प्रशिक्षकको हुन्छ। यसैकारण मेडिकल टीमलाई दोष दिनु गलत हो। अधिक ओजनले गर्दा ५० किग्रा फ्रीस्टाइल कुश्तीको फाइनलअघि अयोग्य घोषित गरिएपछि विनेशले खेल पञ्चाट (सीएएस) – मा संयुक्त रजत पदकको निम्ति अपील गरेकी छन्। यस मामिलामा अब मंगलवार साँझ ६ बजीसम्म फसेला सुनाइनेछ। यसरी फाइनल अघि पदकको होड़बाट बाहिर भएपछि विनेशले खेलबाट सन्न्यासको घोषणा गरेकी छन्। विनेश पदक जित्नदेखि चुकेपछि धेरैले आईओए-को मेडिकल टीम अनि विशेषगरी डा. दिनशा पारदीवाला र उनको टीममाथि लापरवाहीको आरोप लगाइरहेको छन्। यस मामिलामा आईओए अध्यक्ष उषाले भनिन्, कुश्ती, वेटलिफ्टिंग, बक्सिंग, जूडो जस्ता खेलहरूमा ओजन प्रबन्धन (वेट म्यानेजमेण्ट)-को जिम्मेवारी आईओए-का मुख्य चिकित्सा अधिकारी डा. दिनशा पारदीवाला र उनको टीमको नभएर हरेक एथलीट र उनीहरूका प्रशिक्षकको हुन्छ। आईओए को मेडिकल टीम अनि विशेषगरी डा. पारदीवालाप्रति घृणा अस्वीकार्य छ। कुनै पनि निष्कर्षमा पुग्न अघि सबै तथ्यहरूमाथि विचार गर्नु जरूरी हुन्छ। पेरिस ओलम्पिकमा हरेक भारतीय एथलीटसँग यस प्रयासका खेलमा आफ्नै सहायता टीम थियो। यी टीमहरूले धेरै सालदेखि एथलीटहरूसँग काम गरिरहेको छ। प्रतियोगिताको अघि अनि पछि एथलीटहरूका रिकवरी र चोट प्रबन्धनमा सहायता गर्न आईओए-ले केही महिना अघि एउटा मेडिकल टीम नियुक्त गरेको थियो। यस टीमलाई ती खेलाड़ीहरूका सहायता गर्न बनाइएको थियो, जोसँग आफ्नो न्यूट्रिशनिष्ट र फिजियोथेरेपिष्टको टीम थिएन। भारतले पेरिसमा ६ वटा पदक जित्यो।