नयाँ दिल्ली: वैभव सूर्यवंशीको नाम गत केही सालदेखि क्रिकेट जगतमा तेजीको साथ फैलिरहेको छ। आफ्नो निरन्तर प्रभावशाली प्रदर्शनको साथ उनले आयरल्याण्ड यात्राको निम्ति भारतीय टीममा स्थान बनाउने दावेदारी पेश गरेका छन्। यस्तो भए उनी १५ सालको उमेरमा भारतको निम्ति खेल्ने सबैभन्दा युवा खेलाड़ी बन्नेछन्। राष्ट्रिय चयनकर्ताहरूले उनको नाममा विचार शुरु गरेका छन् अनि अन्तिम फसेला चाँड़ै लिन सकिन्छ। भारतीय टीम ईंग्ल्याण्ड यात्रा अघि आयरल्याण्ड जानेछ। आयरल्याण्ड यात्रामा भारतले २६ र २८ जूनमा २ वटा टी२० इण्टरनेशनल म्याच खेल्नेछ। बीसीसीआई सूत्रबाट थाहालागे अनुसार, वैभव आयरल्याण्ड यात्रामा जाने दावेदार हुन् अनि चयनकर्ताहरूले अन्य खेलाड़ीहरूसँग उनको नाम पनि सूचीमा सामेल गरेका छन्। आईसीसी टी२० वर्ल्ड कप र आईपीएल-ले गर्दा सीनियर खेलाड़ीहरूलाई थकानबाट बाँच्न विश्राम दिइने सम्भावना छ। यसैकारण चयनकर्ताहरूले आयरल्याण्ड जाने टीममा युवा खेलाड़ीहरूलाई मौका दिन चाहन्छन् अनि यस सूचीमा सूर्यवंशी शीर्षमा रहेका छन्। बिहारका युवा ब्याटर सूर्यवंशी गत केही समयदेखि असाधारण फर्ममा रहेका छन्। उनले यस साल आईसीसी अण्डर-१९ वर्ल्ड कपमा भारतलाई च्याम्पियन बनाउनमा महत्त्वपूर्ण भूमिका निर्वाह गरेका थिए। उनले ईंग्ल्याण्डविरुद्ध फाइनलमा १७५ रनको म्याच जिताउने ईनिंग्स खेलेका थिए। आईपीएल २०२६-मा पनि उनले लगातार रन बनाएका छन्। उनले राजस्थान रोयल्सको निम्ति जारी सीजनमा केही असाधारण ईनिंग्स खेलेका छन्। यसमा रोयल च्यालेञ्जर्स बेंगलुरुविरुद्ध २६ बलमा ७८ रन, चेन्नई सुपर किंग्सविरुद्ध १७ बलमा ५२ रन र मुम्बई इण्डियन्सविरुद्ध १४ बलमा ३९ रनको विध्वंशी ईनिंग्स सामेल छ। उनले जसप्रीत बुमराह जस्ता बलरको पहिलो बलमै छक्का लगाएर आफ्नो नीडरता देखाएका छन्। यसको साथमा उनले जोश हेजलवुड जस्ता बलरविरुद्ध पनि असाधारण खेल देखाएका छन्।
चयनकर्ताहरू पनि वैभवलाई अधिक प्रतीक्षा गराउन चाहँदैनन्। उमेर र अनुभव कम्ती भएको हुनाले चयनकर्ताहरू उनलाई अन्तर्राष्ट्रिय क्रिकेटमा पहिलो अपेक्षाकृत कमजोर टीमहरू विरुद्ध मौका दिन चाहन्छन्। आयरल्याण्ड यात्रामा प्रदर्शन असल रहे जिम्बाब्वे यात्राको निम्ति पनि उनको चयन हुने तय मानिएको छ। आईपीएल चेयरम्यान अरुण धूमलले वैभवको प्रशंसा गर्दै भनेका छन्, आईपीएल २०२६-मा वैभव सूर्यवंशीको ब्याटिंग अद्भूत रहेको छ। यसैकारण उनी यति कम्ती उमेरमा पनि टीम इण्डियाको निम्ति पदार्पण गर्ने हकदार छन्। यति कम्ती उमेरमा यतिको प्रतिभा पाउनु दुर्लभ हो अनि उनी भारतको निम्ति पदार्पण गर्ने योग्य छन्। यसरी पूर्व अलराउण्डर इरफान पठानले पनि चयनकर्ताहरूसँग उनलाई तुरन्त मौका दिने अपील गरेका छन्। भारतको निम्ति सबैभन्दा कम्ती उमेरमा पदार्पण गर्ने रेकर्ड अहिले सचिन तेन्दुलकरको नाममा रहेको छ, जसले १६ साल २०५ दिनको उमेरमा टेस्ट पदार्पण गरेका थिए। यसरी समग्रमा सबैभन्दा युवा भारतीय क्रिकेटर शेफाली वर्मा हुन्, जसले १५ साल ७ महिना २७ दिनको उमेरमा पदार्पण गरेकी थिइन्। अब वैभवले आयरल्याण्डविरुद्ध सीरीजमा खेल्ने मौका पाए सचिन र शेफाली दुवैको रेकर्ड तोड़्नेछन्। युवा सूर्यवंशीको खेलप्रति सोच पनि अलग रहेको छ। उनले आफ्नो ब्याटिंगबारे भने, ब्याटिंग गर्दा मेरो अघि कुन बलर रहेका छन् भन्ने म सोच्दिनँ। म केवल बललाई खेल्छु, बलरलाई होइन। उल्लेखनीय छ, भारतीय टीम आयरल्याण्ड यात्रापछि ईंग्ल्याण्ड जानेछ। ईंग्ल्याण्डमा भारतले ५ वटा टी२० इण्टरनेशनल र ३ वटा वनडे म्याचको सीरीज खेल्नेछ। ईंग्ल्याण्डविरुद्ध सीरीजमा चाहिँ सीनियर खेलाड़ीहरू टीममा फर्किने सम्भावना छ।