नयाँ दिल्ली: दिल्ली क्यापिटल्सले आईपीएल २०२६-को आठौं म्याचमा ५ पल्टको च्याम्पियन मुम्बई इण्डियन्सलाई ६ विकेटले पराजित गऱ्यो। यस जीतको साथ दिल्ली क्यापिटल्स ४ पोइण्ट्सको साथ असल नेट रन रेटको आधारमा पोइण्ट्स टेबलको शीर्ष स्थानमा पुग्यो। मुम्बई इण्डियन्स २ पोइण्ट्सको साथ छैटौं स्थानमा रहेको छ। अरुण जेटली स्टेडियममा टस हारेर पहिला ब्याटिंग गर्दै मुम्बई इण्डियन्सले २० ओभरमा ६ विकेट गुमाएर १६२ रन बनायो। त्यसपछि दिल्ली क्यापिटल्सले १८.१ ओभरमै ४ विकेटमा १६४ रन बनाएर म्याच जित्यो। म्याचमा मुम्बई इण्डियन्सका नियमित कप्तान हार्दिक पाण्ड्या बिमारीले गर्दा मैदानमा ओर्लिएनन्। पहिला ब्याटिंग गर्दै मुम्बई इण्डियन्सले १८ रनको स्कोरमा रियान रिकेल्टन (९ रन) र तिलक वर्मा (शून्य) -को विकेट गुमायो। निराशाजनक शुरुवातपछि मुम्बईको निम्ति कार्यवाहक कप्तान सूर्यकुमार यादवले लड़ाइँ गरे। उनले रोहित शर्मासँग मिलेर तेस्रो विकेटको निम्ति ५३ रनको पार्टनरशीप गरे। मुम्बईले रोहित र शेरफेन रदरफोर्डको विकेट लगातार अन्तरालमा गुमायो। रोहितले २६ बलमा ५ वटा चौका र एउटा छक्काको साथ ३५ रन बनाए जबकि रदरफोर्डले ५ रन बनाए। ८५ रनमा ४ विकेटको पतनपछि सूर्यकुमारले नमन धीरसँग मिलेर स्कोर १२२ रनसम्म पुऱ्याए। सूर्यकुमारले ३ वटा चौका र २ वटा छक्काको साथ ३६ बलमा ५१ रन बनाए जबकि धीरले २८ रनको योगदान दिए। अन्तिम ओभरहरूमा मिचेल सेण्टनर (अविजित १८) र कोर्बिन बश (अविजित ११)-ले मिलेर स्कोर १६२-सम्म पुऱ्याए। त्यसपछि चुनौतीपूर्ण लक्ष्यलाई अघि राखेर खेल्दै दिल्ली क्यापिटल्सले पनि केवल ७ रनमा २ विकेट गुमायो। केएल राहुलले केवल १ रन बनाए जबकि नितिश राणाले खाता खोलेनन्। त्यहाँबाट रिज्वीले ओपनर पाथुम निस्सांका र पछिबाट डेविड मिलरसँग मिलेर ईनिंग्सलाई सम्हाले। यस सीजनमा लगातार दोस्रो अर्द्धशतक बनाउने रिज्वीले पहिला निस्सांकासँग मिलेर तेस्रो विकेटको निम्ति ६६ रन अनि पछिबाट मिलरसँग मिलेर चौथो विकेटको निम्ति ७८ रनको पार्टनरशीप गरे। निस्सांकाले ६ वटा चौका र एउटा छक्काको साथ ३० बलमा ४४ रन बनाए। शतकदेखि चुक्ने प्लेयर अव् द म्याच रिज्वीले ७ वटा छक्का र ७ वटा चौकाको साथ ५१ बलमा ९० रन बनाए। रिज्वीको विकेट पतन भएपछि मिलर (अविजित २१ रन) ले ट्रिस्टन स्टब्स (अविजित ३ रन) सँग मिलेर टीमलाई जीत दिलाए।