न्यूयोर्क: सेरेना विलियम्सको आर्थर ऐश स्टेडियममा बहुप्रतीक्षित पुनरामगन यूएस ओपनको मिश्रित युगल क्वार्टर फाइनलमा हारको साथ समाप्त भयो। अमेरिकाकी दिग्गज खेलाड़ी सेरेना स्पेनका स्टार खेलाड़ी कार्लोस अल्काराजसँग जोड़ी बनाएर खेलिरहेकी थिइन्। सेरेना र अल्काराजको जोड़ीलाई फ्लावियो कोबोली र बेलिण्डा बेनसिचको जोड़ीले ५-४ (४), ४-१-ले पराजित गरी सेमिफाइनलमा स्थान बनायो। यस हारको साथ सेरेना र अल्काराजको बहुप्रतीक्षित साझेदारीको अभियान पनि समाप्त भयो। क्वार्टर फाइनलमा दुवै स्टार खेलाड़ीले शुरुमा धेरै गल्तीहरू गरे, जसको कोबोली र बेनसिचको जोड़ीले भरपूर फाइदा उठायो। म्याचको अवधि ४४ वर्षीय सेरेनाले पुरानो समयको झलक देखाइन्। उनले म्याचमा १२० माईल (१९३.१ किरोमीटर) प्रति घण्टाको गतिमा ऐस लगाएर दर्शकहरूलाई चकित बनाइन्। चोटले गर्दा अप्रेलदेखि खेलबाट बाहिर रहने अल्काराज पनि चोटमुक्त भएर यूएस ओपनमा ओर्लिएका छन्। सेरेनाको निम्ति टुर्नामेण्टमा पुनरागमन निक्कै भावुक थियो कारण उनले २०२२-मा यूएस ओपनमै पेशादार टेनिसबाट सन्न्यास लिएकी थिइन्। उल्लेखनीय छ, यूएस ओपनमा मिश्रित युगल वर्गको प्रारूप बदलिएको छ। यस प्रारूपको उद्देश्य मुख्य एकल ड्र अघि विश्वका शीर्ष एकल खेलाड़ीहरूलाई मिश्रित युगलमा सामेल गरी अधिक संख्यामा दर्शकहरूलाई आकर्षित गर्नु हो। यस नयाँ प्रारूपलाई पहिलो साल नै व्यापक व्यावसायिक सफलता हासिल भएको छ। म्याचहरूको अवधि स्टेडियममा दर्शकहरूको भरपूर उपस्थिति दर्ता गरिएको छ अनि टेनिसका धेरै दिग्गज खेलाड़ीहरूले यसमा हिस्सा लिएका छन्। यसबीच धेरैले यस प्रारूपको आलोचना पनि गरेका छन्। धेरै पारम्परिक युगल खेलाड़ीहरूले यस नयाँ प्रारूपले गर्दा विशेषज्ञ युगल खेलाड़ीहरू र नियमित जोड़ीहरूलाई पर्याप्त मौका प्राप्त नभएको आरोप लगाएका छन्। यसबीच बेलारुसका नोवाक जोकोविच र आर्यना सबालेंकाको जोड़ीले आफ्नो म्याच जितेर मिश्रित युगल सेमिफाइनलमा स्थान बनाएको छ।