नयाँ दिल्ली: वर्तमान विम्बल्डन च्याम्पियन तथा ५ पल्टका ग्राण्ड स्ल्याम विजेता इटलीका यानिक सिनर दाहिने घुँड़ाको चोटले गर्दा सिनसिनाटी ओपन टेनिस टुर्नामेण्टबाट हटेका छन्। टुर्नामेण्टको आधिकारिक सोशल मीडिया ह्याण्डलले आइतवार यसको पुष्टि गऱ्यो। यसरी अब टुर्नामेण्टमा टेनिस जगतका दुई युवा नक्षत्र सिनर र उनका चीरप्रतिद्वन्द्वी कार्लोस अल्काराज देखिनेछैनन्। टुर्नामेण्टका आयोजकहरूद्वारा जारी बयानमा भनिएको छ, यानिक सिनर दाहिने घुँड़ाको चोटले गर्दा सिनसिनाटी ओपनबाट हटेका छन्। २०२४-को च्याम्पियनलाई हाम्रो शुभकामना अनि आउँदो साल तपाईंसँग भेट हुने प्रतीक्षा रहनेछ। उल्लेखनीय छ, सिनरले २०२४-मा सिनसिनाटी ओपनको खिताब जितेका थिए। फाइनलमा उनले फ्रान्सिस टियाफोलाई ७-६ (४), ६-२-ले पराजित गरी ट्रफी जितेका थिए। यसपाली उनले टुर्नामेण्टबाट हट्ने फसेला गर्दा टुर्नामेण्टलाई ठूलो धक्का लागेको छ। सिनसिनाटी ओपनको आयोजन १३-देखि २३ अगस्तसम्म हुनेछ अनि यसलाई सालको अन्तिम ग्राण्ड स्ल्याम यूएस ओपनको तयारी गर्ने सर्वश्रेष्ठ मञ्च मानिन्छ। यूएस ओपनको आयोजन ३० अगस्तदेखि १३ सेप्टेम्बरसम्म हुनेछ। सिनरभन्दा अघि स्पेनका स्टार खेलाड़ी अल्काराजले पनि सिनसिनाटी ओपनबाट नाम फिर्ता लिएका थिए। सातपल्टका ग्राण्ड स्ल्याम च्याम्पियन अल्काराज यस टुर्नामेण्टको वर्तमान च्याम्पियन हुन्। अल्काराजलाई अप्रेलमा बार्सिलोना ओपनको समय नाड़ीमा चोट लागेको थियो। त्यसपछि उनी प्रतिस्पर्धी टेनिसदेखि बाहिर रहेका छन्। चोटले गर्दा उनले फ्रे़ञ्च ओपन र विम्बल्डनमा हिस्सा लिन सकेनन्। २३ वर्षीय अल्काराजको नजर यूएस ओपनको माध्यमले खेलमा फर्किनुमा रहेको छ। टुर्नामेण्टमा उनी वर्तमान विजेताको रूपमा ओर्लिनेछन्। स्पेनिश खेलाड़ीले गत केही समयदेखि आफ्नो फिटनेसमा सुधार गरेका छन्। पहिला उनले स्ट्रेन्थ र कण्डीशनिंगमाथि काम गरे। त्यसपछि उनले सिनसिनाटीमा अभ्यास गर्न शुरु गरेका छन्।