अलिपुरद्वार: अलिपुरद्वार जिल्लास्थित जटेश्वर हाईस्कूलका दुई विद्यार्थी नबेन्दु कर्माकर (कला विभाग) र तुहिन भद्रा (विज्ञान विभाग) यस वर्षको उच्च माध्यमिक परीक्षामा ४८० अंक ल्याएर विद्यालयमा प्रथम भएका छन्, दुवैको समान अंक छ। आज दुवै विद्यार्थीलाई फालाकाटाका विधायक दीपक बर्मनले सम्मान गरेका थिए। विधायकले आज विद्यार्थीको घरमा पुगेर उनीहरुलाई फुल र मिठाई दिएका थिए र सम्मानका साथमा उनले दुवै विद्यार्थीको उज्ज्वल भविष्यको कामना गरेका थिए। तुहीन डाक्टर बन्न चाहन्छन् भने नबेन्दु कर्माकर भविष्यमा वकिल बन्न चाहन्छन्। यी दुई विद्यार्थीको उत्कृष्ट प्रदर्शनले विद्यालयका शिक्षक तथा विद्यार्थीहरु निकै उत्साहित छन्।