अटलाण्टा: फिफा वर्ल्ड कप २०२६-को सेमिफाइनलमा ईंग्ल्याण्डविरुद्ध अर्जेण्टिनाको असाधारण पुनरागमनपछि मुख्य प्रशिक्षक लियोनल स्कालोनीले लियोनल मेस्सीलाई इतिहासका सबैभन्दा महान फूटबलर बताए। अर्जेण्टिनाई प्रशिक्षकको भनाइअनुसार, अब गोट (ग्रेटेस्ट अफ अल टाइम)-लाई लिएर कुनै प्रकारको बहस रहेन। ईंग्ल्याण्डविरुद्ध २-१-ले जीत हासिल गरेर फाइनलमा स्थान बनाएपछि स्कालोनीले मेस्सीलाई फूटबल इतिहासको सबैभन्दा महान फूटबलर बताए। ईंग्ल्याण्डविरुद्ध म्याचमा कुनै गोल गर्न नसके पनि मेस्सीले २ वटा महत्त्वपूर्ण एसिस्टको साथ म्याचको रंग बदलिए। उनकै पासमा एञ्जो फर्नाण्डेज र लौटारो मार्टिनेजले गोल गरे। यसरी मेस्सीले वर्तमान वर्ल्ड कपमा ८ गोल गर्नको साथै ४ वटा एसिस्ट गरिसकेका छन्। फिफा विश्व कप २०२६ शुरु हुन अघिदेखि नै मेस्सी र पोर्तुगलका क्रिस्टियानो रोनाल्डोबीच इतिहासका महानतम फूटबलर को हुन् भन्ने बहस शुरु भएको थियो। यी दुई खेलाड़ीबीच धेरै सालदेखि प्रतिस्पर्धा चलिरहेको छ। मेस्सी बार्सिलोना अनि रोनाल्डो रियल म्याड्रिडबाट खेल्दा यी दुईबीचको प्रतिद्वन्द्विता चरममा रहेको थियो। यसबीच स्कालोनीले अब बहसको अन्त भएको अनि मेस्सी नै इतिहासका सबैभन्दा महान फूटबलर हुन् भन्ने दावी गरेका छन्। स्कालोनीले भने, मेस्सी नै गोट हुन्। मेरो विचारमा अब यस बहसको अन्त भइसकेको छ। ईंग्ल्याण्डविरुद्ध पुनरागमनबारे उनले भने, हाम्रो टीमले दबाउको परिस्थितिहरूबीच नै आफ्नो सर्वश्रेष्ठ प्रदर्शन गर्छ। टीम मुश्किलमा रहेको समय विरोधी टीमले सामान्य छूट दिन्छ अनि त्यही समय हामी पूरा ताकतको साथ पुनरागमन गर्छौं। यही हाम्रो टीमको सबैभन्दा ठूलो पहिचान हो। मेरो टीमले अन्तिम समयसम्म लड़ाइँ गऱ्यो अनि यसमा मलाई गर्व छ। आज हारेर बाहिर भएको भए पनि म सन्तुष्ट हुने थिएँ कारण खेलाड़ीहरूले मैदानमा आफ्नो शत प्रतिशत दिएका थिए। अब अर्जेण्टिनासँग लगातार दोस्रोपल्ट वर्ल्ड कप जित्ने मौका रहेको छ। आइतवार राति खेलिने फाइनलमा अर्जेण्टिनाको भिड़न्त स्पेनसँग हुनेछ। फाइनलमा जीत हासिल गर्ने सके अर्जेण्टिना वर्ल्ड कप इतिहासमा इटली र ब्राजीलपछि लगातार २ पल्ट च्याम्पियन हुने तेस्रो टीम बन्नेछ।