तेहरान : ईरानका राष्ट्रपति मसूद पेजेश्कियानले बताएका छन् देशका सर्वोच्च नेता मोजतबा खामेनेईले अमेरिका सँग भएको सम्झौतामा “राष्ट्रिय हितको रक्षा गर्ने प्रावधानहरू समावेश गराउन सबैभन्दा ठूलो भूमिका” खेलेका छन्।
एक्स (X) मा गरिएको पोस्टमा उनले लेखे, “यदि सबै प्रावधानहरू सही तरिकाले लागू भए, यसलाई देशका लागि गौरवपूर्ण दस्तावेज मान्न सकिन्छ।
अमेरिका र ईरानबीच भएको सम्झौताबारे हालसम्म सर्वोच्च नेताको तर्फबाट कुनै सार्वजनिक प्रतिक्रिया आएको छैन। मार्चमा सर्वोच्च नेता बनेपछि मोजतबा खामेनेई सार्वजनिक रूपमा देखिएका छैनन्। उनले आफ्नो पिता आयतुल्ला अली खामेनेईको स्थान लिएका थिए।
त्यस्तै, अमेरिका सँगको वार्तामा मुख्य वार्ताकारको भूमिका निभाएका ईरानी संसदका सभामुख मोहम्मद बाघेर गालिबाफले भने कि ईरानले “अन्तिम विजयतर्फ ठूलो कदम” चालेको छ।
उनले ईरानी जनताको “ऐतिहासिक प्रतिरोध” को प्रशंसा गरेका छन्।
एक्समा गरिएको संक्षिप्त पोस्टमा उनले भने कि ईरानी जनताको व्यवहार र “राष्ट्रको अस्तित्व मेटाउन चाहनेहरू विरुद्ध सशस्त्र सेनाको बहादुरी” ले ईरानलाई “अन्तिम विजयको दिशामा ठूलो कदम अघि बढाउन” सहयोग गरेको छ।
About Author
