नयाँ दिल्ली: लियोनल मेस्सी आधिकारिक रूपले संयुक्त राज्य अमेरिकामा अल सल्वाडोर र कोस्टा रिका विरुद्ध अर्जेण्टिनाको मैत्री म्याचहरूबाट बाहिर भएका छन्। अर्जेण्टिना फूटबल संघ (एएफए)-ले मेस्सीको ह्यामस्ट्रिंगको चोटको सम्बन्धमा एउटा बयान जारी गरेको छ, जसमा उनी आउँदो दुईवटा म्याचबाट बाहिर गरिएको जानकारी दिइएको छ। आठपल्टका बेलोन डीओर विजेता मेस्सीले शुक्रवार अल सल्वाडोर विरुद्ध फिलाडेल्फियामा अनि २६ मार्चमा लस एञ्जिल्समा कोस्टा रिका विरुद्ध म्याच खेल्नेछैनन्। उनको क्लब इण्टर मियामी र राष्ट्रिय टीम अर्जेण्टिना दुवैले कुनै जोखिम लिन चाहँदैन। यी दुईवटा म्याच जून-जुलाईमा कोपा अमेरिकाको निम्ति अर्जेण्टिनाको तयारीहरूलाई लिएर वर्मअप म्याच हुनेछ। कोपा अमेरिका पनि यस साल अमेरिकामै खेलिनेछ।
मेस्सी गत शनिवार डीसी युनाइटेड विरुद्ध मियामीको एमएलएस म्याच खेल्नदेखि पनि चुकेका थिए। एएफए-ले सोशल मीडियामा लेखेको छ, अर्जेण्टिनाका कप्तान लियोनल मेस्सी अमेरिकामा मैत्री म्याचहरूका निम्ति टीममा रहनेछैनन् कारण उनको दाहिने खुट्टाको मांसपेशीमा मामूली चोट रहेको छ। अर्जेण्टिनाका कप्तान अहिले पनि पुरानो ह्यामस्ट्रिंगको चोटबाट मुक्त हुने प्रक्रियामा रहेका छन्, जुन उनलाई गत हप्ता नेशविले विरुद्ध कनकाकाफ च्याम्पियन्स कपको अवधि लागेको थियो। त्यस म्याचमा इण्टर मियामी ३-१-ले विजयी भएको थियो अनि मेस्सीले गोल पनि गरेका थिए। त्यस म्याचमा उनले हाफ टाइमपछि मैदान छोड़ेका थिए। मियामीका प्रशिक्षक गेरार्डो मार्टिनोले शनिवार मेस्सी मार्चमा हुने अन्तर्राष्ट्रिय मैत्री म्याचहरूमा खेल्न नसक्ने संकेत दिएका थिए।