फाँसीदेवा: सिलगढी महकुमा परिषद अन्तर्गत फाँसीदेवा ब्लकको जगन्नाथपुरमा सोमबार एक युवकको झुण्डिएको शव फेला परेको छ। यो घटनाले पूरै क्षेत्रमा सनसनी फैलाएको छ। युवकको नाम चञ्चल सिंह (२४) हो। घर पछाडिको रुखमा झुण्डिएको अवस्थामा युवकको शव परिवारका सदस्यले फेला पारेको बताइएको छ। यो देखेर आफन्तले पुलिसलाई खबर गरेका थिए।

सूचना पाएलगत्तै विधाननगर पुलिस घटनास्थल पुगेको थियो। पुलिसले शव बरामद गरी पोस्टमार्टमका लागि उत्तर बङ्गाल मेडिकल कलेज र अस्पताल पठाएको छ।