२३ जुलाईः खरसाङको हिल्स फूटबल एकाडमीको तत्त्वावधानमा आयोजित भेटरन्स (फोर्टी प्लस) फूटबल टुर्नामेण्टमा शनिवार दुईवटा म्याच थियो। स्थानीय मण्टिभियट खेल मैदानमा खेलिएको पहिलो म्याचमा सुकना भेटरन्सले थर्ड माईल चिम्नी भेटरन्सलाई २-१-ले पराजित गऱ्यो। यसरी दोस्रो म्याचमा एचएफए (हिल्स फूटबल एकाडमी) अफिसियल्सले सोनादा भेटरन्सलाई ३-०-ले पराजित गऱ्यो। यस सेभेन ए साइड भेटरन्स टुर्नामेण्टमा जम्मा २० वटा टीमले हिस्सा लिएको छ। भेटरन्स र महिला दुवै टुर्नामेण्टको फाइनल ६ अगस्तमा हुने हिल्स फूटबल एकाडमीका प्रमुख तथा राष्ट्रिय स्तरका फूटबलर नगेन तामाङले बताएका छन्। आमन्त्रणी महिला फूटबल टुर्नामेण्ट ३० जुलाईदेखि शुरु हुनेछ।