कोलकाताः तृणमूल कांग्रेसको २१ जुलाईको ऱ्यालीमा मुख्यमन्त्री ममता ब्यानर्जी पुग्नअघि सीएम आवास नजिक बन्दूकको साथ जुन व्यक्तिलाई पक्राउ गरिएको छ, उसको पहिचान अमीनको रूपमा गरिएको छ। उसकी पत्नीले दाबी गरेकी छन्, उसका पति मानसिक रोगी हो र उसको चिकित्सा चलिरहेछ। उसले मीडियालाई प्रिस्क्रिप्शन पनि देखाइन्।

मूल रूपमा पश्चिम मेदिनीपुर निवासी अमीनलाई शुक्रवार दिउँसो सीएम आवास नजिक पुलिसको स्टीकर लागेको गाड़ीको साथ समाइयो। व्यक्ति सीएमसित भेट्न गइऱहेको थियो। पुलिस सूत्रहरू अनुसार, युवकसित बीएसएफ समेत विभिन्न एजेन्सीहरूको पहिचान पत्र, धारिलो हतियार, आग्नेयास्त्र र मादक पदार्थ थियो।

पुलिस सूत्रहरू अनुसार, पक्रा परेको नूर अमीन पश्चिम मिदनापुरको डेबरा बालिचकको चान्दीपुर निवासी हो र मेदिनीपुर शहरमा आफ्नो ससुरालीमा बस्छ। नूर अमीनकी पत्नी पूनमले भनिन्, उसको पति’बाइपोलर डिसअर्डर’ ले पीड़ित छ। यसबारे डाक्टरको सुझाउ लिँदैछ। उसले दाबी गरिन्, अमीनले नियमित रूपमा दवाई लिनुपर्छ। उसलाई १४ जूनमा कोलकातामा एक डाक्टरकहाँ लगिएको थियो। डाक्टरसित सुझाउ लिएपनि पतिको समस्या केही बढ़ेको छ। उसले सम्बन्धित डाक्टरलाई मामिलाको जानकारी दिइन्। अमीन र पूनमको दुई नानी छन्। जसको आयु क्रमशः ९ र ११ वर्ष छ। अमीनको कोलकाताको उत्तरी पंचानग्राममा इन्टीरियर डेकोरेशनको व्यवसाय छ।