सिलगढी: २१ जुलाई, १९९३ मा तृणमूल कांग्रेसले ममता ब्यानर्जीको नेतृत्वमा कोलकाताको महाकरणको अगाडि शान्तिपूर्ण विरोध प्रदर्शन गर्‍यो। तत्कालीन वामपन्थी सरकारले गरेको प्रहरी गोलीबारी र क्रूर अत्याचारमा १३ जनाको मृत्यु भएको थियो। ती शहीदहरूलाई श्रद्धाञ्जलि अर्पण गर्न, शहीद दिवस तृणमूल कांग्रेसद्वारा हरेक वर्ष जुलाई २१ मा मनाइन्छ। ती शहीदहरूको सम्झनामा आज २१ जुलाई कोलकाताको धर्मतलामा विशाल र्‍यालीको आयोजना गरिएको छ। उक्त र्‍यालीमा तृणमूल कांग्रेसका लाखौं कार्यकर्ता सहभागी थिए।

यसै अन्तर्गत शुक्रबार बिहान मिलनपल्ली सुकान्त शिशु उद्यानको अगाडि सिलगढी नगरपालिका वडा नम्बर २५ काउन्सिलर तथा बरो कमिटी नम्बर ४ का अध्यक्ष जयन्त साह र वार्ड समितिका सदस्यहरूसँग बैठक आयोजना गरिएको थियो। वार्ड काउन्सिलर जयन्त साहले सबैभन्दा पहिले तृणमूल कांग्रेस पार्टीको झण्डा फहराए। त्यसपछि १३ सहिदहरूको बलिदानप्रति श्रद्धाञ्जली अर्पण गरिएको थियो। सहिदको वेदीमा पुष्पमाला अर्पण गरी श्रद्धाञ्जली अर्पण गर्ने प्रयास गरियो।