पाकिम। पुरीका परमपावन जगदगुरु शंकराचार्य स्वामी श्री अधोगचानन्द देव तीर्थीजी महाराज दशजना सन्तहरूसॅंग आज सिक्किम आएका छन्। उनको आगमनमा मुख्यमन्त्रीका सल्लाहकार टीएन ढकाल, रम्फूका एसडीएम, एसडीपीओ, सरकारी अधिकारीहरू र दत्तात्रेय प्रतिनिधिहरूले रम्फूमा न्यानो स्वागत जनाए। परमपावन महाराज तीन दिवसीय सिक्किम भ्रमणमा आएका हुन् र आफ्नो बसाइको क्रममा किरितेश्वरी मन्दिर पनि भ्रमण गर्ने बताइएको छ।