शहरमा देखाउनलाई सुनको कमी छ

गाउँमा चैं चाख्नलाई नूनको कमी छ

ताराहरु  त  झलमल्ल छन् नी हजुर

मनलाई शीतल दिने जूनको कमी छ

गीतहरु छन्  मीठा मीठा लेखिएका

तर तिनमा हृदय छुने धुनको कमी छ

हेर्दा त सब का सब मान्छेकै चोलामा

तर धेरैमा मानवीय गुणको कमी छ

वीर भन्ने नाम मात्रै रह्यो हाम्रो जातिको

नयाँ पुस्तामा गोर्खाली खूनको कमी छ

धमिरा र कीराले त खाइसके अस्तित्व

अब यसमा लाग्नुपर्ने  घुनको कमी छll