बेंगलुरु: कर्नाटकमा एक व्यक्तिले आफ्नी पत्नीका बुबा, भाई र अन्य दुई आफन्तलाई जलाएको घटना अघि आएको छ। घटनामा दुईजनाको मृत्यु भएको छ भने दुईजना गम्भीर घाइते भएका छन् जसको उपचार भइरहेको छ। वास्तवमा, पारपाचुकेका लागि पत्नीको सहमति नपाएपछि पतिले आक्रोशमा आएर यस्तो काण्ड गरेको बताइएको छ। यता, यस विषयमा जानकारी पाएपछि नारायणपुर पुलिस थानामा उजुरी परेको छ। पुलिसले यस विषयमा अनुसन्धान थालेको छ। आरोपी कर्नाटकको यादगीर जिल्लाका बासिन्दा रहेको पुलिसले जनाएको छ। सम्बन्धविच्छेदका लागि पत्नीको स्वीकृति नपाएपछि आक्रोशित भएका यी व्यक्तिले बुधबार आफ्ना ससुरा, जेठाजु र अन्य दुई आफन्तलाई वार्ताका लागि घरमा बोलाए। कुराकानीका क्रममा सहमति नहुँदा ससुरा, जेठाजु र दुईजना आफन्तलाई जिउँदै जलाएर मार्ने प्रयास गरेका थिए। दुई आफन्तको मृत्यु भएको छ भने ससुरा र जेठाजु ८० प्रतिशत जलेको र अवस्था गम्भीर रहेको पुलिसको भनाइ छ।

पुलिसका अनुसार आरोपी शरणप्पाले १६ वर्षअघि हुलिजेम्मासँग विवाह गरेका थिए। दम्पतीका दुई सन्तान छन्। केही वर्षअघि यी दुईबीच कुनै कुरालाई लिएर झगडा भएको थियो। त्यसपछि लिंगसुगुर केएसआरटीसी डिपोमा मेकानिकको रूपमा काम गर्ने हुलिजेम्माले घर छोडेर छुट्टै बस्न थाले। घटना नारायणपुरस्थित शरणप्पाको घरमा भएको पुलिस स्रोतले जनाएको छ। हुलिजेम्माका परिवारका सदस्य आउनुअघि शरणप्पाले पाँच लिटर पेट्रोल किनेर राखेका थिए। नारायणपुरस्थित घरमा ससुराली पक्षका मानिस पुगेपछि दुवै पक्षबीच वार्ता शुरु भएको थियो। शरणप्पाका ससुराले केही शर्तको विरोध गर्दा शरणप्पाले अचानक पेट्रोल खन्याएर आगो लगाएको स्रोतले जनाएको छ। त्यसपछि उनीहरु भाग्न नपरोस् भनेर घरलाई बाहिरबाट ताला लगाएको ब्ताइएको छl