उत्तर दिनाजपुर: बिमल दास नामका तृणमूल कार्यकर्ताको घरमा आइतबार राती भाजपा प्रायोजित बदमाशहरूले आगजनी गरेको आरोप लगाइएको छ। घटनालाई लिएर क्षेत्रमा निकै तनाव भएको छ। तृणमूल कार्यकर्ता विमल दास इस्लामपुर थाना अन्तर्गत इस्लामपुर ग्राम पञ्चायतको नाटुनपाडा क्षेत्रमा एक आफन्तको घरमा विवाह समारोहका लागि गएको बताइएको छ। त्यही मौकाको फाइदा उठाउँदै भाजपा प्रायोजित बदमाशहरूले उनको घरमा आगजनी गरेको आरोप छ। खबर सुनेर बिमल दास र उनको परिवार तुरुन्तै घर फर्किए। बिमल दासको परिवारको आरोप छ कि अरुण वर्धन नामक एक स्थानीय पूर्व भाजपा सदस्यले तृणमूललाई समर्थन गरेकोमा बिमल दासको परिवारलाई धेरै पटक धम्की दिए। इस्लामपुर थानाको पुलिस र दमकललाई खबर गरिएको थियो। दुईवटा दमकल पुगेर आगो नियन्त्रणमा लिएका थिए।
उता इस्लामपुर ब्लक तृणमूल कांग्रेस अध्यक्ष जाकिर हुसैन खबर पाएर घटनास्थल पुगे। उनले यो घटना भाजपा समर्थित बदमाशहरूले राजनीतिक कारणले गराएको बताए। उनले घटनामा संलग्नलाई प्रशासनले कारबाही गर्ने बताए।