१७ जुलाईः दार्जीलिङ गोर्खा हिल स्पोर्ट्स एसोसिएशनको तत्त्वावधानमा आयोजित सुदेन लामा स्मृति सेकेण्ड डीविजन फूटबल लीगमा भिजन फूटबल क्लबले रोमाञ्चक जीत हासिल गऱ्यो। दार्जीलिङको लेबोंग स्थित गोर्खा स्टेडियममा सोमवार खेलिएको म्याचमा भिजन फूटबल क्लबले गोर्खा स्पोर्टिंग क्लब, नागरीलाई ३-२-ले पराजित गऱ्यो। ग्रुप डी-को यस म्याचमा विजेता टीमबाट अमित गुरुङ, सप्ताशिष र गौतम थापाले गोल गरे। यसरी गोर्खा स्पोर्टिंग क्लबबाट अनमोल देवान र निशान्त लोहारले गोल गरे। यस म्याचमा रेफरीको भूमिकामा छेडुप यल्मो रहेका थिए। यसरी नै रमेश राई र उज्जवल राई सहायक रेफरी थिए। यस लीगमा जम्मा २२ वटा टीमले हिस्सा लिएको छ। यी टीमहरूलाई पाँचवटा ग्रुपमा बाँड़िएको छ। टुर्नामेण्टको नक्आउट चरणको तारिख अहिले घोषणा गरिएको छैन।