१६ जुलाईः च्याँगा बस्ती युथ क्लबको तत्त्वावधानमा आयोजित ७७औं इण्डिपेण्डेन्स कप २०२३ नक् आउट फूटबल टुर्नामेण्टमा गाड़ीधुराको टीमले आफ्नो म्याच जित्यो। आइतवार च्याँगा दुर्गा मन्दिर मैदानमा खेलिएको म्याचमा गाड़ीधुराले नक्सलबारीलाई ३-१-ले पराजित गऱ्यो। विजेता टीमबाट प्रणेश प्रधानले ३३औं र ५५औं मिनटमा २ गोल गरे। यसबाहेक शुभम तामाङले ३६औं मिनटमा १ गोल गरे। यसरी नक्सलबारीबाट कृष्ण छेत्रीले ५८औं मिनटमा १ गोल गरे। यस टुर्नामेण्टमा जम्मा ३२ वटा टीमले हिस्सा लिएको छ। आयोजक समितिका कोषाध्यक्ष ग्याल्छेन तामाङले बताएअनुसार, यस सेभेन ए साइड टुर्नामेण्टमा च्याम्पियन हुने टीमलाई ट्रफीको साथमा ४० हजार रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा २५ हजार रुपियाँको नगद पुरस्कार प्रदान गरिनेछ।