श्रीनगर: सुरक्षाकर्मीहरूले बडगामबाट प्रतिबन्धित संगठन लश्कर-ए-तैयबासित सम्बन्धित आतंकवादीहरूका पाँच सहयोगीलाई पक्राउ गरेका छन्। सुरक्षा बलहरूले यिनीहरूबाट आपत्तिजनक सामग्रीहरू पनि जफ्त गरेका छन्। पुलिस प्रवक्ताले बुधबार बताएअनुसार पुलिसले सेनाको ६२औं आरआर बटालियनसित मिलेर बजगाम जिल्लाको खग क्षेत्रबाट आतंकवादीहरूका पाँच सहयोगीलाई समातेको छ, जसको पहिचान रऊफ अहमद वानी, पुत्र अब्दुल मजीद वानी, निवासी भटंगन खग, हिलाल अहमद मलिक, पुत्र गुलाम हसन मलिक, निवासी बथिपोरा खग, तौफीक अहमद डार, पुत्र नजीर अहमद डार, निवासी नवरोज बाबा खग, दानिश अहमद डार, पुत्र मंजूर अहमद डार, निवासी डार मोहल्ला नवरूज़ बाबा खग तथा शौकत अली डार, पुत्र अली मोहम्मद डार, निवासी बठिपोरा खगको रूपमा भएको छ।
प्रवक्ताले अझ बताएअनुसार यी सबै प्रतिबन्धित आतंकवादी संगठन लश्कर-ए-तैयबासित जोड़िएका छन्। आतंकवादीहरूका सहयोगीहरूको कब्जाबाट आपत्तिजनक सामग्री पनि जफ्त गरिएको छ। सबै सामग्रीहरूलाई अनुसन्धानको लागि केस रेकर्डमा लिइएको छ। यस सन्दर्भमा पुलिस स्टेशन खगमा कानूनका सम्बन्धित धाराहरू अन्तर्गत एफआईआर दर्ता गरी जाँच शुरू गरिएको छ। -हिस