सिलगढी: सिलगढीको मटिगढामा रहेको कार शोरुममा चोरीको घटनामा संलग्न मध्य प्रदेशका दुई युवालाई पुलिसले पक्राउ गरेको छ। सिलगढी महानगरीय पुलिसको मटिगढा थानाको पुलिस, गुप्तचर र एसओजीको विशेष टोलीले सिलगढीको मटिगढा क्षेत्रमा रहेको कार शोरुममा भएको चोरीको घटनाको अनुसन्धान गर्दै मध्यप्रदेशका २ जनालाई पक्राउ गरेको हो। उनलाई बुधबार सिलगढी ल्याइएको थियो। पक्राउ पर्नेहरूको नाम रोहित चौहान (२१) र राजु योगी (२६) रहेको छ।