कोलकाताः पश्चिम बंगालमा त्रिस्तरीय पञ्चायत चुनाउको निम्ति राति पनि मतगणनामा जमेर हिंसा भएको छ। मगंलवार बिहानदेखि शुरू भएको हिंसाको ताण्डव रोकिएन। दक्षिण २४ परगनाको भांगड़ क्षेत्रमा सबैभन्दा धेरै हिंसा भएको छ। पुलिसका साथ आईएसएफका कार्यकर्ताहरूको झ़ड़प भएको छ। पुलिसकर्मीहरूलाई लक्ष्य गरी भारी बमबारी भएको आरोप छ।

यसमा पुलिसका धेरै वरिष्ठ अधिकारीहरू घाइते भएका छन्। उनीहरूलाई स्थानीय अस्पतालहरूमा भर्ती गराइएको छ। यस बाहेक जवाबी कारबाहीमा आईएसएफका पनि धेरै कार्यकर्ताहरूको घाइते भएको सूचना छ। २० भन्दा धेरै पुलिसको गाड़ीहरूमा आगो सल्याइएको र तोड़फोड़ गरिएको दाबी छ।

वस्तुतः मंगलवार मतगणनामा एक केन्द्रभित्र पुलिस सामू नै आईएसएफका उम्मेदवार र काउन्टिङ एजेन्टलाई बर्बर तरीकाले कुटियो। यसपछि सैकड़ौंको संख्यामा जमा भएका आईएसएफ कार्यकर्ताहरूले पूरा सड़क जाम गरेर विरोध प्रदर्शन शुरू गरे। पुलिसले उनीहरूलाई सम्झाउने प्रयास गर्नको साटो बल प्रयोग गर्नु शुरू गरेको आरोप छ। यसले गर्दा झ़ड़प शुरू भयो जुन रातभरि जारी रह्यो। रोकिन्दै पुलिसकर्मी र आईएसएफ कार्यकर्ताहरूबीच बमबारी भयो।

इस्लामपुरको मतगणना केन्द्र नजिकै राति हंगामा भयो। चोपड़ा विधायक हमीदुल रहमानमाथि राज्य सरकारकै पुलिसमाथि लाठीचार्ज गरेको आरोप छ। घटनामा हमीदुल समेत धेरै जना घाइते भएका छन्। उनकी छोरी अर्जुन बेगम उत्तर दिनाजपुर जिल्ला परिषदको सीट नम्बर चारको निम्ति एक स्वतन्त्र उम्मेदवारको रूपमा खड़ा छिन्। त्यस सीटमा काउन्टिङमा पुलिसले हमीदुल र उनका साथीहरूमाथि लाठीचार्ज गरेको आरोप छ। यसपछि घाइतेहरूलाई इस्लामपुर उपजिल्ला अस्पतालमा भर्ती गराइएको छ।

-हिस