सिलगढी: जलपाइगढी जिल्लाको बानरहाट ब्लकको नाथुहाटमा पञ्चायत चुनावको समाचार कभर गर्ने क्रममा धेरै पत्रकारहरूलाई कुटपिट गरियो। घटनाको विरोधमा सिलगढी पत्रकार क्लबले सिलगढीमा विरोध र्‍याली निकाल्यो। पछि उनीहरूले गान्धीको शालिक मुनि धर्ना दिए। जलपाइगढी जिल्लाको बानरहाट ब्लकको नाथुहाटमा नक्कली मतदानको फोटो खिच्ने क्रममा हिजो केही पत्रकारमाथि आक्रमण भएको थियो। जसमा महिला पत्रकार पनि परेका छन्। यस घटनाको विरोधमा आइतबार दिउँसो सिलगढी पत्रकार क्लबका पत्रकारहरूले पत्रकार क्लबबाट विरोध र्‍याली निकालेका थिए जुन कञ्चनजङ्घा स्टेडियमको पत्रकार क्लब अगाडिबाट सुरु भई कोर्ट मोर नजिकैको गान्धीको प्रतिमामा टुङ्गिएको थियो। त्यहाँ पत्रकारहरूले धर्ना दिएका थिए।