सिलगढी: राजगञ्जको ताकिमारीमा रहेको तृणमूल कांग्रेस पार्टी कार्यालयमा शुक्रबार बिहान आगलागी भएको छ। सत्तारुढ दलले यो घटनामा भाजपालाई दोष दिएको छ। यद्यपी बीजेपीले उक्त आरोपको खण्डन गरेको छ। शान्ति सुरक्षा कायम गर्न केन्द्रीय सेनाले गस्ती गरिरहेको छ। तृणमूल कांग्रेसको स्थायी पार्टी कार्यालय मन्तदारी ग्राम पञ्चायतको तकिमारी बजारमा छ। आगलागीबाट पार्टी कार्यालयका झण्डा, ब्यानर, कागजपत्र र केही फर्निचर जलेर नष्ट भएको छ । घटनाको जानकारी पाएलगत्तै नयाँ जलपाइगढी थाना र मिलनपल्ली पुलिस थाना घटनास्थलमा पुगेका थिए। आशुतोष रोय नामक तृणमूल समर्थकले कार्यालय मेरो घरको छेउमा रहेको बताए । बिहान शौच गर्न निस्कने बित्तिकै उनलाई जलेको गन्ध आयो । त्यसपछि अलि अगाडि गएर कार्यालय भित्र आगो लागेको देखे । पार्टी नेतृत्वलाई जानकारी गराउने बित्तिकै उनी घटनास्थल पुगेका थिए । उनले यो घटनालाई प्रतिपक्षले नै गराएको आरोप लगाए । यस्तै गुनासो स्थानीय तृणमूल नेता हरिपाद रायले पनि गरेका थिए। उनले भाजपाले क्षेत्रमा अशान्ति फैलाउन आगो लगाएको बताए । पार्टी नेतृत्वसँग छलफल गरेर प्रशासनिक कदम चाल्नेछ । अर्कोतर्फ, बीजेपीको राजगञ्ज ब्लक अध्यक्ष निताई मण्डलले भने कि तकिमारीमा तृणमूलको पार्टी कार्यालयमा भएको आगलागीमा भाजपाको कोही पनि संलग्न थिएन। सत्तारुढ दल भाजपा कार्यकर्तालाई फँसाउने षड्यन्त्र गरिरहेको छ । राजगञ्जका विधायक खगेश्वर राई पनि घटनास्थल पुगेका थिए ।