खरसाङ: खरसाङ खण्डको घैयाबारी दुई ग्राम पञ्चायतको तीनधारे चियाबारीमा यसपालीको पञ्चायत चुनाउमा तीनजना प्रार्थीहरूले चुनाउ मैदानमा प्रतिद्वन्दिता गरिरहेका छन्। तीनधारे चियाबारीको २४६ नम्बर बुथमा अनुसूचित जनजातिको लागि आरक्षण गरिएको छ। यस सिटमा भारतीय गोर्खा प्रजातान्त्रिक मोर्चाको प्रार्थी दिपेन्द्र तामाङ रहेका छन् भने दुईजना निर्दलीय प्रार्थीहरू क्रमैले स्मिता तामाङ र सुजना तामाङले प्रतिद्वान्दिता गरिरहेका छन्। तीनैजनाले आफ्नो सिट जित्ने दाबी गरिरहेका छन्। तीनधारे चियाबारीको तीनजना प्रार्थीहरूमध्ये दिपेन्द्र तामाङ र स्मिता तामाङले पत्रकारहरूसित कुराकानी गर्दै आफ्नो प्रार्थी विषयमा विस्तृत रुपमा बताएका छन्। तिनीहरूले पञ्चायत सदस्यको रूपमा निर्वाचित भएको खण्डमा गाउँ घरको विकासको लागि विभिन्न कार्यहरू गर्ने प्रतिबद्धता जाहेर गरेका छन्।