गान्तोक: रोजगारी निषेध र पुनर्स्थापना ऐन, २०१३ सम्बन्धी जिल्ला स्तरीय सतर्कता समितिको त्रैमासिक बैठक जिल्लापाल टाशी छोपेलको अध्यक्षतामा पाक्योङमा सम्पन्न भयो। जिल्लापाल कार्यालयको सम्मेलन कक्षमा आयोजित बैठकमा गत बैठकको कार्यविवरण र कार्यसूचीबारे संक्षिप्त जानकारी गराएको थियो। पाक्योङ जिल्लालाई म्यानुअल स्याभेन्जिङ मुक्त घोषणा गरिएको विषयमा छलफल गरिएको थियो। यसका साथै, पाक्योङ र रंगेली डिभिजनमा “म्यानुअल स्क्याभेन्जरहरूको रूपमा रोजगारीको निषेध र उनीहरूको पुनर्वास ऐन, २०१३ सम्बन्धी महकुमा स्तरको सतर्कता समिति बैठक छिरिङ नोर्गेको अध्यक्षतामा भएको थियो। समितिका सदस्य सचिव शिकुम हाङ्मा सुब्बा र कल्याण निरीक्षक थिन्ले एच भोटियाले उपस्थित समितिका सदस्यहरूलाई धेरै महत्त्वपूर्ण मुद्दाहरूबारे बताए।