सिलगढी: उत्तर बङ्गाल विश्वविद्यालयको भूगोल विभागले सहरीकरण र यसको प्रभावबारे दुईदिने राष्ट्रिय स्तरको सेमिनार आयोजना गरेको छ। शनिबार सेमिनारको उद्घाटन सिलगढीका मेयर गौतम देवले गरे। गोष्ठीका संयोजक अरिन्दम बसाकले पहाडी तथा उपपहाडी क्षेत्रमा भूकम्प र पहिरोको जोखिम रहेको बताए। यस सेमिनारको मुख्य उद्देश्य सिलगढी, पहाडी क्षेत्र र दार्जीलिङमा सहरीकरणका कारण उत्पन्न समस्याहरूमा ध्यानाकर्षण गराउनु रहेको छ। यी सबै कुरालाई ध्यानमा राखेर आगामी दिनमा वातावरण सन्तुलन कायम राखेर के गर्न सकिन्छ, ती सबै विषयमा छलफल भएको थियो । सेमिनारमा मेयर गौतम देव, विश्वविद्यालयका कार्यवाहक रजिष्ट्रार नुपुर दास, प्राध्यापक दीपककुमार मण्डल र भूगोल विभागका रञ्जन रोयलगायत अन्य प्राध्यापक तथा प्राध्यापकहरूको उपस्थिति रहेको थियो । विश्वविद्यालयका विद्यार्थी तथा अनुसन्धानकर्ताहरूको समेत उपस्थिति रहेको थियो ।