जलपाइगढी: तृणमूल कांग्रेसका उम्मेद्वार विमल महली सयौं कार्यकर्ता र समर्थकहरूसँग जलपाइगढी जिल्लाको बानरहाट ब्लकको न्यू डुवर्स डिभिजनको जलपाइगढी जिल्ला परिषद सीट नम्बर ३ को लागि प्रचार गरे। तृणमूल कांग्रेसका उम्मेदवारले विकासलाई हतियारको रूपमा प्रयोग गरेर प्रचार गरेका छन्। बिहीबार दिउँसो सयौं महिला तथा पुरुष चिया बगानका मजदुरहरू अभियानमा सामेल भए। तृणमूल उम्मेदवारप्रति कार्यकर्ता समर्थकहरूमा ठूलो उत्साह देखिएको थियो।