कोलकाता: पश्चिम बंगालकी मुख्यमन्त्री ममता ब्यानर्जीले लगातार दोस्रो दिन मंगलबार सीमा सुरक्षा बल (बीएसएफ) माथि तीखो हमला गरेकी छन्। उनले भनिन्, ‘प्रधानमन्त्री नरेन्द्र मोदी सदैव रहनेछैनन् यसैले बीएसएफले कसैको पनि पक्षमा काम गर्नको साटो निष्पक्ष भएर काम गर्नुपर्छl’ उनले सोमबार पनि कोचबिहारमा जनसभामा केन्द्रीय अर्धसैनिक बलमाथि मानिसहरूलाई धम्काएको आरोप लगाएकी थिइन्। मंगलबार जलपाइगढ़ीमा चुनावी जनसभालाई सम्बोधित गर्दै उनले बीएसएफमाथि तीखो हमला गरिन्। उनले भनिन्, ‘मोदी आज छन्, भोली जानेछन्। तपाईले देशको रक्षाको निम्ति काम गर्नुपर्छ यसैले मानिसहरूमाथि अत्याचर नगर। मानिसहरूको साथ मिलेर काम गर्नु सही होl’ उनले भनिन्, ‘जो बीएसएफको गोलीबारीमा मारिएका छऩ्, राज्य सरकारले उनीहरूको परिवारको सदस्यलाई स्पेशल होमगार्डमा नौकरी र दुई दुई लाख रूपियाँको वित्तीय मद्दत गर्नेछ। -हिस