कोलकाताः बिहेबाट फर्किरहेको एउटा वाहन दुर्घटनाग्रस्त हुँदा एउटै परिवारका तीन सदस्यको मृत्यु भएको छ। घटना सोमवार बिहानै कोलकाताको लेकटाउनको घड़ीमोड़मा भयो। मृतकहरूमा नवविवाहिताको पिता शिवसंकर राठी, भाई शिवरतन राठी एवं बोज्यू कमलादेवी राठी सामेल छन्।

प्राप्त जानकारी अनुसार, सोमवार बिहानै बिहे कार्यक्रमबाट एक परिवारको सदस्य फर्किरहेका थिए। वाहन वीआईपी रोडको बागुईआटीदेखि विधाननगरतिर गइरहेको थियो। ट्राफिक सिग्नलमा वाहन रोकिएको थियो। त्यही समय पछीबाट एउटा यात्री बसले उसलाई हिर्कायो। भिड़न्त यति भीषण थियो कि वाहन पूर्ण रूपमा क्षतिग्रस्त भयो। स्थानीय मानिसहरूले घटनाको सूचना पुलिसलाई दिए। सूचना पाएर लेकटाउन थाना पुलिस घटनास्थलमा पुग्यो र घाइतेहरूलाई निकाल्यो। यस घटनामा वाहनमा सवार लगभग सबै जना घाइते भए। घाइतेहरूलाई स्थानीय चिकित्सा केन्द्रमा लगियो। जसमा चिकित्सकहरूले तीन जनालाई मृत घोषित गरे। सूत्रहरू अनुसार, गाड़ी चालकको अवस्था पनि गम्भीर बताइएको छ।

पुलिस सूत्रहरू अनुसार, बस ४४ नम्बर रूटको थियो। दुर्घटनाको समय बस खाली थियो। यान्त्रिक गड़बड़ीको कारण दुर्घटना भएको पुलिसले शंका काँटेको छ। पुलिस घटनाको जाँचमा जुटेको छ।

-हिस